पूर्णपुष्टि, साउन २०
जाल्पा एकिकृत विकास समाजले किशोर किशोरीहरुका लागि गर्दै आएको रुपान्तरण कार्याक्रम गाउँघरमा प्रभावकारी देखिएको छ । बुधबार गाईघाटको होटल कोहबरमा ५ दिने समिक्षा कार्यक्रको प्रस्तुतिमा यस कार्यक्रमले समाज रुपान्तरणमा राम्रो प्रभाव पारेको सहभागीहरुले बताए ।
रौतामाई गाउँपालिकाका ४० भन्दा बढी किशोर किशोरीले बिभिन्न क्षेत्रमा रुपान्तरण कक्षा तथा तालिम लियर लाभ लिएका छन् । तालिम पश्चात उनिहरुले आफुहरु सकरात्मक परिवर्तन भएको महसुस गर्दै आफु परिवर्तन सँगै समाज र परिवार पनि परिवर्तन हुदै आएको बताए ।
संस्थाले थुप्रै पटक बिभिन्न क्षेत्रमा आत्मा रक्षा, नेतृत्व विकास, समाज परिवर्तन लगायत महत्वपूर्ण शिर्षकमा किशोर किशोरीहरुलाई तालिम तथा कक्षा संचालन गरिसकेको जाल्पा एकिकृत विकास समाज उदयपुरका अध्यक्ष पुष्प पोखरेलले बताए । 
कार्यक्रम संञ्चालनले व्यक्ति, परिवार र समाज सकरात्मक देखिएको पोखरेलको भनाई छ । यसले समाजमा सकरात्मक प्रभाव र फाइदा पुगेको शमिक्षाको प्रस्तुतिकरणले देखाएको छ । सहभागीहरुको प्रस्तुति अनुसार रुपान्तरण कार्यक्रमले आफु र आफ्नो परिवारमा निकै फाईदा पुगेको र सामाजिक बिकृ विसंगति कम हुने महसुस गरे । अब विस्तारै समाजमा पनि यसको महत्व देखिने र एकदिन समाजलाई सकारात्मक दिसा तर्फ उन्मुख गर्न यस कार्यक्रमले ठुलो सहयोग पुराउने सहभागीहरुको प्रस्तुतीले देखाएको छ ।
समाज र देश परिर्वतन भनेकै किशोर किशोरीहरु बाट हुने भन्दै यस कार्यक्रमको नियम अनुरुप किशोर किशोरीहरुलाई बिषेश प्रथामिकतामा राखी रुपान्तर कार्याक्रम चलाईएको अध्यक्ष पोखरेलले बताए ।
कार्यक्रमकी एक सहभागी सुस्मा कुमारी सार्कीले रुपान्तरण भनेको सकरात्मक परिवर्तन भन्ने बुझेको बताईन् । कुनै पनि चिज राम्रोका लागि बद्लीदा रुपान्तरण भएको महशुस हुने उनीले बताईन् । उनिले आफुमा पनि रुपान्तरणको महसुस गर्दै पहिले समान्य कुरा पनि पत्ता लगाउन नसक्ने आज आफुमा परिवर्तनको सकरात्मक सोचहरु बद्लीएको बताईन् । गाउँघरमा सामान्य बोलचाल गर्न डराउने मान्छे आज सयौँको भिँडमा बोल्न सक्नु योनै रुपान्तरणको उदाहण रहेको सुनाईन् । 
यस्तै अर्का सहभागी कुल बहादुर मगर आफै रुपान्तरणको उदाहरण भएको बताए । रुपान्तरणले पहिले आफुलाई परिवर्तन गर्ने र आफु सहि भएपछि अरुलाई पनि परिवर्तन गर्न सकिने बताए । उनले रुपान्तरण कार्याक्रम पश्चात आफ्नो अनावश्यक समयको सदुपयोग भएको बताए । यस्ले पढ्न हौसाला मिल्नुका साथै समयको महत्व र फजुल खर्चबारे आफुलाई परिवर्तन गरेको बताए ।
यसै गरी सहभागीकै अर्का किशोरी बृहस्पती राईले आफुले सिकेको कार्यक्रमलाई गाउँघरमा गएर बिभिन्न प्रयोग गर्न थालेको बताईन् । उनिले अहिले हाल समाजीक विकृतिका बिभिन्न गतिविधिहरुलाई सकरात्मक हिसावले रुपान्तरण गर्न गाउँघरमा यसबारे कार्यक्रम तथा कक्षाहरु संञ्चालन भईरहेको बताईन् । राईले प्रत्येक हप्ताको शनिवार करिब डेड घण्टा सामाजका लागि सकरात्मक गतिविधिहरुको कक्षा चलाउँदै आएको बताईन् । यस कार्यक्रममा गाउँमा भएको किशोर किशोरीहरुलाई उपस्थिति गराई साथी सहजकर्ताको रुपमा कक्षा संञ्चालन गर्दै आएको बताईन् ।
यस कार्यक्रम संञ्चालनले हरेक व्यक्तिहरुमा सकरात्मक सोचमा परिवर्तन हुदै गएको र सकरात्मक तथा नकरात्मक भन्ने कुराहरु स्पष्ट हुदै गएको बताईन् ।
जाल्पा एकिकृत विकास समाजको आयोजना, वल्र्ड भिजनको सहयोग र रौतामाई गाउँपालिकाको समन्वयमा कार्यक्रमको आयोजना गरिएको हो ।