पूर्णपुष्टि, पुष २२
झापाको एक घरमा बुधबार लागेको आगो निभाउने क्रममा एक जनाको ज्यान गएको छ, भने १५ जना घाईते भएका छन् । जिल्लाको मेचीनगर नगरपालिका–७ पिपल चौक स्थित केशब पाठकको घरमा लाएको आगो निभाउने क्रममा सोही नगरपालिका वडा नं. ८ का ४५ वर्षीय सारद राजवंशीको ज्यान गएको हो । अन्य १५ जना भने घाईते भएका हुन् ।
हिजो राती साढे ९ बजे पाठकको टिनको छानो, चित्राको बेरा भएको १ तले कच्चि घरमा कोही नभएको अवस्थामा अचानक आगोलागी भएको थियो । आगो निभाउने क्रममा उक्त घरमा रहेको ग्यास सिलिण्डर पड्किदा राजबंशीसहित १६ जना घाईते भएका थिए । घाईते मध्ये राजबंशीको उपचारको लागी एन्जल मेडिकल धुलाबारी पुर्याउन साथ ज्यान गएको अस्पतालले जनाएको छ । अन्य घाईतेहरुको विभिन्न अस्पतालमा उपचार भईरहेको छ । उक्त आगो दमकल, प्रहरी र स्थानियको सहयोगमा राती साढे १० बजे पुर्ण रुपमा नियन्त्रणमा आईसकेको प्रहरीले जनाएको छ । आगो के कारणले लागेको भन्ने खुल्न नआएकोले अनुसन्धान भईरहेको जिल्ला प्रहरी कार्यालय झापाले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1