पूर्णपुष्टि, चैत १८
महोत्तरीमा घाँस काट्न गएका सात जना बालिका बेपत्ता भएका छन् ।
भंगहा नगरपालिका वडा नम्बर ८ धर्मपुरका १८ वर्षीया अस्मिता पासवान, सोही उमेरकी नगिना पासवान, १५ वर्षीया रिया पासवान, सोही उमेरकी अर्चना पासवान, १३ वर्षीया ज्योती पासवान, १० वर्षीया रञ्जना पासवान र सीमा पासवान बेपत्ता भएको प्रहरीले जनाएको छ ।
मंगलबार दिउँसो घाँस काट्न गएका बालिकाहरु अहिलेसम्म घर नफर्केको प्रहरीले जनाएको छ । घाँस काट्न गएका ७ जना बालिका बेपत्ता सूचना आए लगतै खोजी कार्य भईरहेको प्रहरीले जनाएको छ ।
बालिकाहरु बेपत्ता भएपछि गाउँमा त्रास उत्पन्न भएको प्रहरीले जनाएको छ ।