पूर्णपुष्टि, साउन ३१
उदयपुरमा चट्याङ लागेर ७ ओटा बाख्रा मरेको छ । चौदण्डीगढी नगरपालिका ८ सिद्धिपुर स्थित नगेन्द्र राईको ७ ओटा बाख्रा चट्याङले स्वाहा पारेको हो । शुक्रबार जंगलमा चराउन लैजाने क्रममा अविरल बर्षा सँगै परेको चट्याङले ७ ओटा बाख्रा एकै पटकमा मारेपछि कृषक राईलाई ठुलो घाटा पुगेको छ ।
राईले एकै पटक ७ ओटा बाख्रा मारेपछि आफ्नो पशु व्यवसायमा ठुलो घाटा पुगेको बताए । उनले यस घाटामा सम्बन्धित निकाय र स्थानीय सरकारले राहत सहयोग गर्नु पर्ने माग राखेका छन् ।
कूल १९ वटा खशी बाख्रामध्ये ७ वटा बियाउने बाख्रा माउलाई एक्कासी परेको चट्याङ लागेर मरेको कृषक राईले बताए ।
उक्त घटनाबाट कृषक राईलाई अन्दाजी १ लाख बरावरको क्षती पुगेको स्थानीय तथा सारदा आधारभूत विद्यालयका प्रधानाध्यापक अर्जुन ओझाले बताए ।