पूर्णपुष्टि, भदौ ६
कैलालीमा लागुऔषध चरेशसहित एक किराना पसलका शाहु पक्राउ परेका छन् । पक्राउ पर्नेमा धनगढी उपमहानगरपालिका–१२ जुगेडा कम्पनी टोलमा किराना पसल चलाउदै आएका ३६ वर्षीय दिनेश सिंह रहेका छन् ।बझाङ जयपृथ्वी नगरपालिका–६ स्थायी घर भएका सिंहले चलाउदै आएको पसलमा लुकाई छिपाई राखेको अवस्थामा एक किलो चरेश बरामद भएसँगै उनलाई नियन्त्रणमा लिएको जिल्ला प्रहरी कार्यालय कैलालीले जनाएको छ । पक्राउ परेका सिंहलाई प्रहरी कार्यालयको हिरासतमा राखी आवश्यक थप अनुसन्धान भइरहेको प्रहरीले जनाएको छ ।