पूर्णपुष्टि, कात्तिक ११
आर्थिक अपचलन ठहर गर्दै साधारण सदस्यसमेत नरहने गरी बहुमत कार्यसमितिबाट कारवाहीमा परेका त्रियुगा उद्योग वाणिज्य संघ, गाईघाटका अध्यक्ष गजेन्द्र भगतले उच्च अदालत विराटनगरमा लगाएको रिट खारेज भएको छ । गत साउन ४ गते दर्ता भएको उनको रिट अदालतले कार्तिक ८ गते खारेज गरेको हो ।
अध्यक्ष भगतले आफुमाथिको कारवाही रोकि पाऊँ भन्दै आन्तरिम आदेश र कारण देखाउन भनी रिट लगाएका थिए । कार्यसमितिले गरेको कारवाही ठीक देखिएपछि अदालतबाट अध्यक्ष भगतको रिट खारेज गरेको कार्यवाहक अध्यक्ष रमेश रसाईलीले बताए ।
कारवाहीमा परेपछि अध्यक्ष भगतले कार्यवाहक अध्यक्ष बनेका बरिष्ठ उपाध्यक्ष रसाईलीको काम, कारवाहीसमेत बन्द गर्न र आप्mनै अध्यक्षतामा सञ्चालन गर्न पाउ भन्ने मागसहित रिट दिएका थिए । संघले अध्यक्ष भगतलाई कारवाही गरेको सहि ठहरिए पछि उनको रिट खारेज भएको एक कानुन ब्यवसायीले बताए । अब, उनीमाथिको कारवाही सदर हुनुका साथै विधि, विधान विपरित चलेको र आर्थिक अपचलन गरेको ठहर भएको छ । अध्यक्ष भगतले आर्थिक अपचलन गरेको रु ३ लाख २० हजार २०५ रुपैयासमेत तिर्नुपर्ने भएको छ ।
उनलाई गत असार २८ गते बहुमत कार्यासमितिले कारवाही गरेको थियो । २०७३ असार २८ गते जिल्ला अधिवेशनबाट दोस्रो कार्याकालको नेतृत्वमा उनी आएका थिए । २०७६ असारमा सकिएको कार्यकाललाई लम्ब्याउन उनले अबैधानिक ढंगले पटकपटक म्याद थप्दै आएका थिए । चार÷पाँच पटक नै कार्यसमितिको म्याद थप्दै तीनवर्षे कार्यकाललाई पाँचवर्ष पुर्याएका हुन् । पछिल्लोपटक गत जेठ ८ गते साधारण सभा र १५ गते अधिवेशन तोकिएको थियो तर त्यो पनि त्यतिकै टारियो ।
तीनवर्षे पदावधी सकिएर पाँचवर्ष वित्दा पनि वार्षिकरुपमा गर्नुपर्ने साधारणसभा एकपटक समेत गरेनन् । संस्था नविकरण, करचुक्ता, हिसावकितावको अडिटसम्म नगरी मनोमानी र एकल ढंगले संस्था चलाउदै आएका थिए । एकवर्षअघि केन्द्रिय सदस्यसमेत भएका उनले आप्mनै हालीमुहाली जमाउने नियतले साधारणसभा र अधिवेशन टार्दै आएका थिए । संघमा रहेर अपारदर्शी, एकलौटी र मनोमानीढंगले काम गर्ने, अप्रत्यक्ष फाईदा लुट्ने, अस्वस्थ्य चलखेल गर्ने गरेको आरोप बहुमत कार्यसमितिको छ ।
अध्यक्ष भगतको गलत हर्कतले चरमसिमा नाघिरहदा पटक पटक सुध्रिन मौका र चेतावनी नदिएको हैन तर, सुध्रिनुको सट्टा संघलाई अनिर्णयको बन्दी र धरासायी बनाएपछि विधान र नियम अनुसार कारवाही गरेको कार्यवाहक अध्यक्ष रसाईलीले बताए । अध्यक्षमा कारवाही परेपछि उनी स्वतः संस्थाको विधान बमोजिम तीनवर्षसम्म साधारण सदस्यसमेत नरहनेगरी निलम्बनमा परेका छन् । यस्तो अवस्थामा नैतिकताको आधारमा उनको केन्द्रिय सदस्य पदमाथि पनि प्रश्न उठेको छ । केन्द्रिय सदस्य पद धरापमा परेको छ ।
अध्यक्ष भगतले अन्तरिम आदेशको मौका छोपी संघभित्र थुप्रै चलखेल गरेको आरोप छ । उनले अवैधानिकरुपले कर्मचारी निलम्बन गर्ने, कार्यालयको ल्यापटप, महत्वपूर्ण कागजात बेपत्ता पार्ने काम गरेको बताइएको छ । संघको लेडटरप्याड, बीलभर्पाई, रसिद, रजिस्ष्टर र महत्वपूर्ण अभिलेख तथा फायलहरु, ल्यापटक कार्यालयबाट लगेको कर्मचारी संजिव श्रेष्ठले बताए । ती सामानहरु चोरी शैलीमा लगिएपछि प्रहरीलाई खबर गरेको र फिर्ता गर्न दवाव दिदा पनि अझ फिर्ता नगरेको संघले जनाएको छ ।
संघको महत्वपूर्ण कामहरु अध्यक्ष भगतबाट नभएपछि बरिष्ठ उपाध्यक्ष रसाईलीको नेतृत्वको बहुमत कार्यसमितिले नै संस्था नविकरण, संस्था हिसावकिताव अडिट, करचुक्ताको कामहरु गरेको जनाएको छ । नयाँ सदस्यता खोल्ने र पाँचवर्षसम्म नविकरण नभएका सदस्यहरुलाई कोभिड १९ को मध्येनजर गर्दै पचास प्रतिशत छुटमा नविकरणको काम समेत भएको छ ।
अध्यक्ष भगतले संघमा सधैभरी आफुलाई सर्बेसर्वा बनाउन खोज्दा यो अवस्था आएको बुद्धिजिविहरु बताउछन् । उनले संस्थाको मर्यादा र विधि विधानलाई कुल्चिने र चरम गुटबन्दी, मनोमानी चलाएपछि मुद्दा कारवाही र अदालतसम्म पुगेको हो । उनले संघभित्र स्वस्थ प्रतिष्पर्धा र सामुहिक भावना जगाउन नसक्दा ब्यापारी, ब्यवयाहीहरुको हित हुन नसकेको ब्यापारी, ब्यवसायीको गुनासो छ । केन्द्रिय सदस्य भएर अभिभावकत्व वहन गर्दै नयाँ नेतृत्वलाई जिम्मेवारी दिने, ब्यापारी ब्यवसायी हकहितका लागि एकता र सामुहिकता बढाउने भुमिकासम्म गरेनन् । बरु संघको सामान्य मुद्दा पनि प्रशासनदेखि अदालतसम्म पुर्याउने काम भयो ।
संघभित्रको विवाद र अस्वस्थ्य गतिविधिहरु यतिबेला छताछुल्ल भएको छ । यस्तो हुँदा पनि यसलाई सहि ठाउँमा ल्याउने भुमिका ब्यापारी ब्यवसायी बृतमा देखिएको छैन । संघले ब्यापारी, ब्यवसायीका साथै उपभोक्ता हकहितमा विशेष भुमिका खेल्नुपर्ने हो तर भुमिका सुन्य छ । बजारमा उपभोक्ता ठगी, कालाबजारी, कृतिम अभाव, महंगी रोक्न संघको कुनै भुमिका देखिएको छैन ।
संघभित्रको लफडा, विवाद र मुद्दाहरु पटक पटक प्रशासनसम्म पुग्ने, प्रहरीमा लिखित तथा मौखिक उजुरीहरु हुने गरेको छ । यो अवस्थाको अन्त्य गरी स्वाच्छ उद्योग वाणिज्य संघ निर्माण र ब्यापारी, ब्यवसायीहरु र समग्र उपभोक्ताहरुको हिततर्फ लैजान नियमन निकाय तथा सरोकारवालाको भुमिका पनि जरुरी देखिएको संघका पूर्व बरिष्ठ उपाध्यक्ष भरत चामलिङ राईले बताए ।
अदालतबाट रिट खारेज भयो, अव के गर्नुहुन्छ भन्ने पूर्णपुष्टिको प्रश्नमा अध्यक्ष भगतले रिट खारेज मात्र भएको फैसला आउन बाँकी रहेको भन्दै फैसला आएपछि मात्र बोल्ने प्रतिक्रिया दिए । रिटपछिको अन्तरिम आदेशले संघको काम, कारवाही ठप्प रहेकोमा अव भने कार्यवाहक अध्यक्ष रसाईलीलाई काम, कारवाही गर्न फुकुवा भएको छ । अव, ब्यापारी, ब्यावसायी तथा उपभोक्ताहरुको हकहितलाई केन्द्रविन्दुमा राखेर काम, कारवाही अगाडी बढाई संघको मर्यादालाई उच्च बनाउने कार्यवाहक अध्यक्ष रसाईलीले बताएका छन् ।