पूर्णपुष्टि, जेष्ठ २०
हिजो मात्रै लिम्चुङबुङका एक कोरोना संक्रमितको मृत्यु भए सँगै लिम्चुङबुङ गाउँपालिका सिल गरिएको छ । संक्रमण उच्च हुने भन्दै गाउँपालिका भित्र थप कडाई निषेधाज्ञा सहित पालिकानै सिल गरिएको हो ।
पालिकाले संक्रमण रोक्न बिभिन्न कार्यलाई थप निरन्तरता र दायर बढाई गर्ने जनाएको छ । बुधबार गाउँपालिका स्थरीय कोरोना रोकथाम समितिले बसेको बैठक अनुसार बिभिन्न काम र योजनाहरुलाई तत्काल लागु गर्ने छलफल भएको छ । पालिकाले बिगत देखिनै संक्रमितहरुलाई औषधीको घरदैलो अभियान र प्रतिदिन वडावाईज एन्टीजेनको परिक्षण बढाईरहेको अवस्थामा पनि मानिसहरु सचेत नभएको र संक्रमण लुकाएर बस्ने, स्वास्थ्य मापदण्डको पालना नगर्ने, सुरक्षित नभई गाउँघरमा भेला हुने, बिभिन्न खेलहरु खेल्ने जस्ता कार्यले पालिकामा संक्रमण रोक थाम नभएको छलफलले निष्कर्ष निकालेको छ ।
अबको दिन बाट यसलाई पूर्ण बन्द गराउने र लापर्वाही गर्नेलाई पालिकाले जरिवाना र कार्वाहीको दायरामा ल्याउने समितिको छलफलमा उल्लेख छ ।
समितिले १९ गते रातिको १२ बजे देखि २९ गते सम्म रातको १२ बजे सम्मलाई पालिका सिल गरेको घोषणा गरेको छ । यस अबधिभर निषेधाज्ञामा लापर्वाही गर्ने व्यक्तिमाथी बिभिन्न कार्वाही गर्ने उल्लेख गरिएको छ ।
छलफलमा मास्क नलगाउनेलाई ५० रुपयाँ जरिवाना, अनावश्यक वा अनुमति विना हिड्ने २ पाँग्रे सवारीलाई १ हजार रुपयाँ र होम आईसोलेसनमा नबसी घुमफिर गरेको पाईएमा पटकै पिछे ५ सय रुपयाँ जरिवाना गर्ने निर्णय भएको छ ।
लिम्चुङबुङको २ नं वडा ताम्लीछाका ५५ बर्षिय एक पुरुषको बुधबार कोरोनाका कारण मुत्यु भएको थियो ।