पूर्णपुष्टि, जेठ १७ ।
आज थप १ सय ८९ जनामा कोरोना संक्रमण पुष्टि भएपछि नेपालमा कोरोना संक्रमितको संख्या १ हजार ४ सय १ पुगेको स्वास्थ्य तथा जनसंख्या मन्त्रालयले जनाएको छ ।
मञ्त्रालयका प्रवक्ता डाक्टर विकास देवकोटाले संक्रमितको संख्या १ हजार ४ सय १ पुगेको शनिबार मन्त्रालयले आयोजना गरेको नियमित मिडिया ब्रिफिङमा जनाउनु भएको हो ।
कपिलवस्तुमा १ सय ९, सर्लाहीमा १७, दैलेखमा १४, सिरहामा ११ जना संक्रमित पुष्टि भएका हुन् । त्यस्तै सप्तरीमा ९, धनुषामा ७, रौतहटमा ६, दाङमा ५, महोत्तरीमा ४ जना पुष्टि भएका हुन् भने पर्सामा २, संखुवासभामा २, झापामा १, ललितपुरमा १ र बारामा १ जना संक्रमित पुष्टि भएका हुन् ।
संक्रमितमध्ये हालसम्म २ सय १९ जना निको भएको मञ्त्रालयले जनाएको छ । आज १३ जना डिस्चार्ज भएका हुन् ।