पूणर्पुष्टि, बैशाख २८
बाहिर कोरोनाको माहामारी छ, कोरोना रोकथाम तथा नियन्त्रण भन्दैमा सबै जना घरमा बस्न भने पाइएको छैन । यो बेला रोग बाट बच्न सबैलाई घरमै बस्न भनिएको छ, तापनि कोहि भने बाध्यताले बाहिर खट्नु पर्ने अवस्था छ । सबै भित्र बसेर मात्रै रोग नियन्त्रण हुदैन् ।
अरुलाई भित्र बसाउनकै लागि भएपनि कोहि बाहिर बसेर दिनभर काम गर्नु पर्ने भएको छ, कोहि उपचारमा खटिनु पर्ने भएको छ भने कोहि सूचना समचार बाट जनताहरुलाई सचेत गराउनु छ ।
यतिवेला सुरक्षाकर्मी, स्वास्थ्यकर्मी र संञ्चारकर्मीहरुको निकै ठुलो भुमिका देखिन्छ । यसै शिलसिलामा अग्रपंक्तिमा रहेर कोरोना नियन्त्रणमा लागि परेका ट्राफिक प्रहरीलाई नेपाल आयुर्वेदिक औषधी व्यवसायी संघले स्वास्थ्य सामाग्री वितरण गरेको छ ।
सुरक्षित रहित जनताको सेवामा खटिन मदत पुगोस भन्दै जिल्ला ट्राफिक प्रहरी कार्यालयलाई स्वास्थ्य सामाग्री वितरण गरिएको हो ।
उदयपुरमा रहेका सम्पूणर् आयुर्वेदिक व्यवसायी संघहरुको सक्रियाता र सहयोगमा करिब १५ हजार बराबरको स्वास्थ्य सामाग्री वितरण गरिएको संघका अध्यक्ष ओमराज लिम्वुले बताउनुभयो
मंगलबार ट्राफिक कार्यालयमै पुगेर संघका अध्यक्ष लिम्वुले ट्राफिक इन्चार्ज कमल कार्कीलाई सामाग्री उपलब्ध गराएको हो । संघले सेनिटाईजर, मास्क र सावुन उपलब्ध गराएको छ ।