पूर्णपुष्टि, असार १४
नेशनल लाईफ इन्स्योरेन्स कम्पनी गाईघाट शाखाले प्राण घातक रोग बिमा अन्तरर्गत उदयपुरका एक मुटु रोगी बिमारीलाई ५ लाख बराबरको बिमा बापतको उपचार खर्च प्रदान गरेको छ । त्रियुगा नगरपालिका ५ देउरीका हरी विनोद खतिवडालाई प्राण घातक रोग बिमा बापतको भुक्तानी प्रदान गरिएको शाखा प्रमुख पे्रम कुमार राईले बताउनुभयो ।
५ लाख बराबरको प्राण घातक रोग बिमा गरेको खतिवडाले गत बर्ष मात्र वार्षिक कम्पनीमा रु, ५६९३२ रुपयाँ जम्मा गरेका थिए ।
कम्पनीको टोलीले खतिवडाको घरमै गएर ५ लाख बराबरको चेक प्रदान गरेको थियो । मुटु रोगले ग्रसित खतिवडा दुई महिना अघि मात्रै मुटुको सर्जरी गरी अहिले सामान्य अवस्थामा फर्किसकेको छ ।
उपचार खर्च पाएका खतिवडाले बिमा बाट पाएको यो सहयोग र बिमाले दिएको यो सुविधा रोग पिडितहरुका लागि अति उपयुक्त रहेको जनाउनुभयो । उहाँले मानव जिवनको जोखिम बहन गर्ने प्रमुख सेक्टर नै विमा रहेको बताउनुभयो ।
आईतबार कम्पनीका गाईघाट शाखा प्रमुख राईले खतिवडालाई चेक प्रदान गर्दै अमुल्य जिन्दागीको मुल्याङकन गर्ने एक महत्वपूर्ण क्षेत्र नै बिमा रहेको बताउनुभयो । विमा कुनै पनि व्यक्ति, परिवार, समाज र राष्ट्रको समेत जोखिम न्युनिकरण गर्ने सेक्टर रहेको उहाँले बताउनुभयो ।