पूर्णपुष्टि, कार्तिक १९
विराटनगरमा थप २ जना कोरोना संक्रमितको मृत्यु भएको छ । इलामको चुलाचुली–६ की ८४ वर्षीया वृद्धा महिला र झापाको दमक–३ का ६४ वर्षीय पुरुषको मृत्यु भएको हो ।
उनीहरुको आज बिहान नोबेल शिक्षण अस्पतालमा उपचारको क्रममा मृत्यु भएको अस्पताले जनाएको छ ।
झापाका ६४ वर्षीय पुरुषको उपचारको क्रममा मृत्यु भएको अस्पताले जनाएको छ । उनी बेलडाँगी शिविरमा बस्दै आएका भुटानी शरणार्थी हुन् । उनमा दमको पुरानै समस्या रहेका साथै श्वास फेर्न गाह्रो भएपछि कात्तिक १२ गते अस्पताल भर्ना गरिएको थियो । अस्पताल भर्ना हुनअघि नै उनमा कोरोना पुष्टि भएको थियो ।
अस्पतालका अनुसार उनीमा दमको पुरानै समस्या रहेको साथै श्वासप्रश्वासमा समस्या आएपछि उनलाई मंगलबार भर्ना भएकी थियो । सोही दिन उनमा कोरोना पुष्टि भएको थियो । उक्त वृद्धाको आज बिहान मृत्यु भएको अस्पतालले जनाएको छ ।
