बैशाख ३
पहिलो पटक नेपाली महिलाहरूले अन्नपूर्ण हिमाल आरोहण गरेका छन् । सेभेन समिट ट्रेक कम्पनीमार्फत आरोहणमा गएका पाँच जना महिलाले शुक्रवार दिउँसो अन्नपूर्ण हिमालको सफल आरोहण गरेको कम्पनीले जनाएको छ ।
माया शेर्पा, डावुटी शेर्पा, पासाङ ल्हामु शेर्पा अकिता, दावा याङ्जुम शेर्पा र पूर्णिमा श्रेष्ठले हिमाल सफल आरोहण गरेको जनाएको छ ।
त्यस्तै आरोहण दलमा रहनुभएकी शर्मिला स्याङ्तानको आरोहण सफल भए÷नभएको बारेमा जानकारी आइनसकेको जनाएको छ ।
यो आरोहण सन् २०२१ को वसन्त ऋतुको पहिलो आरोहण हो ।