पूर्णपुष्टि, चैत्र २
प्रथम त्रियुगा नगर खेलकुद महोत्सव भव्य रुपमा सम्पन्न भएको छ । सोमवार महोत्सवको फुटवल तर्फको फाइनल खेल थारुहट रंगशालामा समापन गर्दै सबै विद्याको खेलहरु सम्पन्न भएको आयोजकले जनाएको छ । त्रियुगा नगर खेलकुद महोत्सव अन्तरगत २१ औँ स्व लालसेर राई स्मृति मेयर गोल्ड कप फुटवल तर्फको उपाधी त्रियुगा नगरपालिका वडा नं १० ले जितेको छ
त्रियुगा नगरपालिका वडा नं ८ लाई १–० ले हराउँदै १० न वडाले उपाधी चुमेको हो । खेलको दोस्रो हाफको अन्तिम समयमा १० नं वडाको तर्फबाट जर्सि नं १० का समिराज राउतले गोल गरेका थिए । त्यहि १ गाले वडा नं १० को पहिलो र अन्तिम भयो । खेल अबधिभर ८ न वडा बाट कुनै पनि गोल हुन सकेन । आक्रमक प्रतिस्पर्धा भएको फाइनल खेलमा ८ नं वडाले अन्तिम सम्म पनि गोल रोकेर खेल बाराबरी गर्दै आईरहेको थियो । तर खेलको दोस्रो हाफको ३४ औँ मिनेटमा भने समिराज राउतले गरेको गोल वडा नं १० को निर्णायक गोल बन्यो । 
वडा नं १० संग १ को अन्तरले पछि परेको वडा नं ८ ले उपविजेतामै चित्त बुझाएको छ । अन्तिम सम्म पनि गोल गर्न प्रयासरत रहेको ८ ले खेल अबधिभर गोल गर्न सकेन । सेमि फाइनलमा ८ नं वडाले १२ नं वडालाई हराउँदै फानलमा आएका थिए भने १० नं वडाले ११ लाई हराउँदै फाइनल प्रवेश गरेका थिए ।
फुटवल तर्फ फाइनल खेलको बिजेताले नगद रु ५० हजार, ट्रफि सँगै प्रमाण पत्र पाएका छन् । यता उपविजेताले पनि नगद रु ३० हजार, ट्रफि र प्रमाण पत्र पाएको आयोजकले जनाएको छ । आजको म्यान अफ द म्याच वडा नं १० का खेलाडी टिप्सन राई भएकोे छ । उनले नगद रु १ हजार ट्रफि र प्रमाण पत्र समेत पाएका छन् ।