पूर्णपुष्टि, बैशाख २७ । स्व. दिपक राई (दोर्पाली) स्मृती फुटबल प्रतियोगिताको फाईनलमा फ्युजन क्लब बोक्से पुगेको छ । बिहिबार भएको दोस्रो सेमिफाईनल खेलमा फ्युजन क्लब बोक्सेले देउराली फुटबल क्लब सिसुवारीलाई १–० गोलले हराउँदै फाईनलमा प्रवेश गरेको हो ।
फ्युजन क्लब बोक्सेका जर्सि नं ११ का दिपक खपाङ्गी मगरले खेलको ३ औं मिनेटमा गरेको गोल नै जितका लागी निर्णायक गोल बन्यो । यस प्रतियोगिताको म्यान अफ द म्याच फ्युजनका जर्सि नं १४ का सनम राई बने । फाईनल खेल शनिबार फ्युजन क्लब बोक्से र आयोजक साकेला युवा समुह ‘बि’ बिच हुनेछ । प्रतियोगिताको विजेता टिमले नगद रु. २५ हजार ट्रफि, मेडल प्रमाण पत्र प्राप्त गर्नेछ भने उपविजेता टिमले नगद रु. १५ हजार ट्रफि, मेडल प्रमाण पत्र प्राप्त गर्नेछ ।
भोली (शुक्रबार) महिला समुहबिच लुङ्गी कप हुने आयोजकले जनाएको छ । लुङ्गी कपका लागी साकेला टोल विकास संस्था र जुम्बा फिटनेस महिला समुह गाईघाट बिच प्रतिस्पर्धा हुनेछ ।विजेता टिमले ट्रफी प्राप्त गर्ने आयोजकले जनाएको छ ।