पूर्णपुष्टि, साउन २०
सुनसरी धरान उपमहानगरपालिका–८ तिनकुने जंगल स्थित कोशी राजमार्गमा भएको सवारी दुर्घटनाबाट मोटरसाईकल पछाडी सवार यात्रीको ज्यान गएको छ । ईटहरी उपमहानगरपालिका–१७ पकली बस्ने ४० वर्षीया मिरा देवी साहको ज्यान गएको हो ।
आज बिहान साढे ९ बजे धरानबाट ईटहरी तर्फ आउदै गरेको को १ त ९१४३ नम्बरको ट्याक्टरलाई पछाडीबाट आईरहेको को १ ख ५४३० नम्बरको बसले पछाडीबाट ठक्कर दिई विपरित दिशाबाट जादै गरेको प्रदेश–१ –०२–०४०प ६४०५ नम्बरको मोटरसाईकल समेतलाई ठक्कर दिएको थियो । उक्त दुर्घटनामा मोटरसाईकल चालक २५ वर्षीय बिमल साह र पछारी सवार उनकै आम मिरा गम्भीर घाइते भएको थिए । घाइते भएका दुवैलाई उपचारको लागि घोपा धरानमा उपचारको क्रममा दिउसो ११ बजे मिराको ज्यान गएको अस्पतालले जनाएको छ । घाइते बिमलको सोही अस्पतालमानै उपचार भईरहेको छ । दुर्घटनामा संलग्न तीनवटै सावारी साधन र बस चालक धरान–१५ का ४२ वर्षीय प्रभु खड्का ईलाका प्रहरी कार्यालय धरानको नियन्त्रणमा रहेको छ । घटना सम्बन्धमा थप अनुसन्धान भइरहेको जिल्ला प्रहरी कार्यालय सुनसरीले जनाएको छ ।