पूर्णपुष्टि, मंसिर १०
बैकिङ कसुर मद्दामा २० लाख जरिवाना तोकिएका एक जना महिलालाई प्रहरीको केन्द्रीय अनुसन्धान ब्यूरोले पक्राउ गरेको छ । तनहुँको भानु नगरपालिका–१३ स्थाइ घर भइ काठमाडौं महानगरपालिका–४ हाँडीगाउँ बस्दै आएकी ४५ वर्षीय शोभा गुरूङ बैकिङ कसुर मुदामा पक्राउ परेको हो । ब्यूरोले बिहीबार ललितपुरको कुपण्डोलबाट उनलाई पक्राउ गरेको छ ।
उच्च अदालत पाटनको २०७७ असार १ गतेको फैसलाले गुरूङलाई ४ दिन कैद र २० लाख रुपैयाँ जरिवाना सुनाएको थियो ।
पक्राउ परेका गुरुङले पीडितलाई आफ्नो खातामा पर्याप्त मौज्दात रकम नभएको भन्ने जानी जानी झुक्याएर एनआइसी एसिया बैंकको चेक काटेर पीडितहरूलाई दिएकी थिइन् । उनलाई फैसला कार्यान्वयनको लागि ललितपुर जिल्ला अदालतमा पेश गरेको ब्यूरोले जनाएको छ ।