पूर्णपुष्टि, जेठ ७ गते ।
भारतमा कोरोना संक्रमितको संख्या १ लाख ६ हजार नाघेको छ । एकै दिन ५ हजार ६ सय ११ जना नयाँ संक्रमित थपिएसँगै भारतमा १ लाख ६ हजार ७ सय ५० पुगेको हो ।
अहिलेसम्म भारतमा कोरोना संक्रमित मध्ये ४२ हजार भन्दा बढी उपचारपछि निको भएका छन्
महाराष्ट्रमा मात्रै ३५ हजारभन्दा बढीमा संक्रमण पुष्टि भएको छ । तमिलनाडुमा १२ हजार ४ सय ४८, गुजरातमा १२ हजार १ सय ४० र दिल्लीमा १० हजार ५ सय ५४ जनामा कोरोना संक्रमण पुष्टि भएको केन्द्रिय कर्यालयले जनाएको छ ।
पछिल्लो २४ घण्टामा १ सय ४० जनाको मृत्यु भएसँगै कोरोना संक्रमणको कारण मृत्यु हुनेको संख्या ३ हजार ३ सय ३ पुगेको छ ।
कोरोना भाइरसको प्रकोप सीमित गर्नको लागि गृह मन्त्रालयले लकडाउनलाई मे ३१ सम्मको लागि बढाएको छ ।