पूर्णपुष्टि, असार ४ गते ।
राष्ट्रिय सभाबाट नेपालको संविधानको दोस्रो संशोधन विधेयेक २०७७ सर्वसम्मतले पारित भएको छ ।
संविधानको अनुसूची ३ मा रहेको निशान छापमा नयाँ नक्सा राख्नको लागि पेस भएको संविधान संशोधन विधेयक राष्ट्रिय सभाबाट सर्वसम्मत पारित भएको हो ।
राष्ट्रिय सभामा उपस्थित ५७ जना सांसदले नै संविधान संशोधनको पक्षमा मतदान गरेका छन् । यसअघि यो विधेयक प्रतिनिधि सभाबाट पनि सर्वसम्मत पारित भइसकेको छ ।
भारतले कब्जा गरेको लिम्पियाधुरा, लिपु्लेक र कालापानीको भू–भाग समेटेर सरकारले नयाँ नक्सा जारी गरेको छ ।
संविधानको अनुसूचीमा रहेको निशान छापमा नयाँ नक्सा राख्न सरकारले विधेयेक ल्याएकोमा संसदका दुवै सदनले पारित भएको छ ।
अब यो विधेयेक राष्ट्रपतिले प्रमाणीकरण गर्नुहुनेछ ।