कात्तिक ५ गते ।
सरकारसँग बार्ता गर्नका लागि नेत्रविक्रम चन्द नेतृत्वको समूहले दुई वटा सर्त राखेका छन् । चन्द समुहले आफूमाथिको प्रतिवन्ध हटाउनुपर्ने र पक्राउ परेका नेता–कार्यकतालाई निःसर्त रिहा गर्नुपर्ने सर्त राखेका हुन् ।
चन्द समूहको गत असोजमा सम्पन्न आठौं पूर्ण बैठकले यस्तो निर्णय लिएको हो । ‘सरकारले आफ्नो फाँसीवादी दमनलाई ढाकछोप गर्न ‘वार्ता’को हतियार प्रयोग गरेको चन्द समुहले आरोप लगाएको छ । उक्त बार्ताको सन्दर्भमामा पार्टीले षड्यन्त्रपूर्ण वार्ता प्रचारलाई भण्डाफोर गर्ने तर इमान्दारीका साथ प्रतिवन्ध हटाएर गिरफ्तार कमरेडहरुलाई छोडेर निःसर्त आएमा सकारात्मक रुपले सोच्ने निर्णय लिएको छ ।’ चन्द समूहले उल्लेख गरेको छ ।
यो समाचार आजको कान्तिपुर दैनिकमा छापिएको छ ।