मिलन परियार ,
लिम्चुङ्बुङ २८ गते
पानीको हाहाकार र ठुलो समस्याको रुपमा परिचित उदयपुरको लिम्चुङ गाउँपालिकामा संघिय सरकारले खानेपानीका लागि आर्थिक बर्ष २०७७/०७८ बाट ४ करोड ९० लाख बजेट बिनियोजित गरेको छ ।
सुनकोशी लिफ्टिङ खानेपानी आयोजनाका लागि संघिय सांमसद सुरेश कुमार राईको बिषेश पहलमा बजेट विनियोजन भएको हो । नेपाल सरकारको खानेपानी तथा सरसफाइ मन्त्रालयले संघीय सरकारको रातो किताब मा ०७७/०७८ मा काम सम्पन्न हुने गरि ४ करोड ९० लाख बिनियोजन गरेको हो ।
लिम्चुङ्बुङ गाउँपालिकाभरी नै खानेपानीको हाहाकार हुने समस्या भएपछि खोटाङ र उदयपुरको बिच भएर बग्ने सुनकोसी नदि बाट गाउँपालिकाका ५ वटै वडामा खानेपानी पुराउने गरि गत बर्ष नै बहुबर्शिय योजनामा समाबेश भएर डिपिआर समेत गरिसकेको लिम्चुङ गाउँपालिकाका अध्यक्ष मेजर कुमार राईले बताउनुभयो ।
राईका अनुसार ५ वटै वडामा पाईप लाईन बिस्तारका लागि जाँते बाराहा बास्बोटे बलम्ता ताम्लिछा र महत्वकाक्षी आयोजना एभरेस्ट भ्युटप सम्म सर्भे भैसकेको जनाउनुभयो । उहाँले यस लिफ्टिङ खानेपानी आयोजना लाई पारदर्शी ढंग बाट समयमै सम्पन्न गराउने समेत बताउनुभएको छ । लिफ्टिङ खानेपानी आयोजना बाट २ हजार ५ सय घर धुरी लाभान्वित हुने पालिकाले बताएको छ ।