पूर्णपुष्टि, बैशाख ११
नेपालमा दोस्रो चरणको कोरोनाका कारण खेल क्षेत्रमा पनि निकै ठुलो असर परेको छ । यहि बैशाख १० र ११ गते हुन लागेको १२ औँ १ नं प्रदेश स्तरीय राष्ट्रपति रनिङ शिल्ड खेलकुद प्रतियोगिता स्थगित भएको छ ।
उदयपुर जिल्ला खेलकुद विकास समितिले खेल स्थगित बारे सूचना प्रकाशित गर्दै खेल स्थगित भएको जानकारी गराएको छ । खेलकुद विकास कार्यालय प्रमुख प्रकाशराम राईले सामाजिक विकास मन्त्रालय र पूर्वाञ्चल खेलकुद विकास समितिको प्राप्त सूचना अनुसार खेल स्थागित गरिएको जनाउनुभयो । राईले मन्त्रालय र समितिको सूचना अनुरुप अर्को व्यवस्था नभए सम्मको लागि खेल स्थागित रहने बताउनु भएको छ ।
मोरङमा हुन लागेको उक्त खेल कोरोना भाईरसका कारण तत्कालको लागि स्थगित गर्नु पर्ने बारे सूचना जिल्लामा आएको राईले बताउनुभयो । सूचनामा स्वास्थ्य तथा जनसंख्या मन्त्रालयले मोरङ लगाएत मुलुकको १४ ओटा जिल्लाहरुलाई कोरोनाको अति जोखिम क्षेत्र घोषणा गरे सँग यो खेल बन्द गर्नु परेको हो ।
मोरङको बिराटनगर आसपास हुने खेलमा सहभागी बाक्लो भिँडभाँडले कोरोना नियन्त्रणमा थप चुनौती हुने भन्दै खेल स्थगित गरिएको सूचनामा जनाइएको छ ।
प्रदेश स्थरीय खेलमा उदयपुर बाट छनोट भएका खेलाडीहरुको नामवलीको फोटो
१२ औँ राष्ट्रिपति रनिङ शिल्ड प्रदेश स्तरीय खेलको लागि बिभिन्न बिद्यामा उदयपुर बाट ४७ जना खेलाडीहरु छनोटमा परेको छ ।
एथ्लेटिक्स, बवड्डी, भलिवल, उस्सु, कराते, र तेक्वान्दोमा महिला पुरुष दुवै तर्फ गरी ४७ जनाको नाम लिस्ट तयार भएको छ ।
एथ्लेटिक्समा ११ जना पुरुष र ११ जना महिला खेलाडीहरु छनोटमा परेको छ । यता कवड्डीमा ९ जना पुरुष र ९ जना महिला छनोट भए भने भलिवलमा ९ पुरुष र ९ महिला छानिएको छ । यसैगरी कराते तर्फ ३ पुरुष र ३ महिला छानिएका छन् । तेक्वान्दोमा पनि ३ पुरुष र ३ महिला छन् भने उस्सु तर्फ पनि ३ पुरुष र ३ महिला छानिएको उदयपुर जिल्ला खेलकुद विकास समितिले जनाएको छ ।
