पूर्णपुष्टि, चैत्र १५
त्रियुगा नगरपालिका वडा नं १६ ले वडाका विपन्न तथा एकल महिलाहरुलाई उन्नत जातको बंगुर वितरण गरेको छ । सोमावर सुकौरामा वडाको ०७८/०७९ को स्वीकृत बार्षिक वडागत योजना र बजेटको सदुपयोग गर्दै १६ घर परिवारलाई बंगुर वितरण गरिएको वडाअध्यक्ष मान वहादुर राईले बताए । उन्नत जातको बंगुरले वडामा रहेको विपन्न परिवारलाई आर्थिक आम्दानीमा टेवा दिने भन्दै विपन्न तथा एकल महिलाहरुलाई लक्षित गरी वडा सदस्य गोमा कार्कीले बंगुर वितरण गरेका थिए ।
वडाले पछाडि परेका महिलाको आयआर्जन विकासमा टेवा पुर्याउन गत विगतदेखि नै यस किसिमको कार्यक्रम गर्दै आएको थियो । वडाले विशेषगरी व्यवसायिक पशुपालन विकासको क्षेत्रमा बङ्गुर, बाख्रा , कुखुरा र भैंसी पालन व्यवसाय प्रबर्द्धनमा केन्द्रित भई वडालाई आर्थिक विकासमुखी बनाउने कार्य गरिरहेको छ ।