पूर्णपुष्टि, असोज १४
लतिपुरको गोदावरीमा निर्माण भैरहेको तीन हजार क्षमताको अन्तर्राष्ट्रिय सम्मेलन केन्द्रको निर्माण कार्य ७० प्रतिशत सम्पन्न भएको छ ।
शहरी विकास मन्त्रालय मातहतको शहरी विकास तथा भवन निर्माण विभागले गोदावरी नगरपालिका–३ मा केन्द्र निर्माण गरिरहेको छ । विभाग र केसी–समानान्तर जेभीबीच गत वर्षको कात्तिक २० गते सम्झौता भएर २१ गतेबाट भवन निर्माणको काम थालिएको थियो ।
गत चैत महिनाभित्र भवन निर्माण सम्पन्न गर्ने सम्झौता भएपनि दुई महिना साइटमा भएका रुख काट्न समय लागेका र मौसमले साथ नदिएकोले तोकिएको समयमा काम सम्पन्न गर्न नसकिएको परियोजनाले जनाएको छ ।
६५ करोड ८१ लाख ६५ हजार रुपैयाँमा सम्मेलन केन्द्र निर्माणका लागि सम्झौता भएको थियो ।
