पूर्णपुष्टि, जेष्ठ १५
उदयपुरमा रहेको बिभिन्न कोभिड हस्पिटलको बिरामीहरुलाई नेपाल आयुर्वेद औषधी व्यवसायी संघ उदयपुरले निशुल्क आत्मावल बढाउने रोगप्रतिरोधात्मक क्षमाता बृद्धिको औषधी वितरण गरेको छ ।
जिल्लामा रहेको चौदण्डीगढी स्थित उदयपुर कोभिड हस्पिटल र गाईघाटमा रहेको मदन भण्डारी आँखा हस्पिटलका बिरामीहरुलाई औषधी बितरण गरिएको संघको अध्यक्ष ओमराज लिम्वुले बताउनुभयो ।
विश्वमाहामारी कोरोनाले ग्रसित बिरामीहरुको रोगप्रतिरोधात्मक बढाउने औषधी निशुल्क रुपमा वितरण गरेको अध्यक्ष लिम्वुले बताउनुभयो । संघले ५० हजार बराबरको निशुल्क आयुर्वेद स्वास्थ्य औषधी बिरामीहरुलाई बितरण गरेको छ ।
संघले गाईघाट र चौदण्डीमा ५/५ किसिमको औषधी बितरण गरेको छ । दुवै हस्पिटललाई बराबरी औधषी अश्वागन्धा चुर्ण २४ पिस, तुलसी चिया १२ पिस, क्रिकटु चुर्ण १२ पिस, गिलोय इमुनो १० पिस, र सितापलादि चुर्ण १२ पिस गरी ५ किसिमको औषधी वितरण गरिएको लिम्बुले बताउनुभयो ।
औषधी वितरण सम्पूर्ण आयुर्वेद औषधी व्यवसायीहरुको सक्रियतामा संघका अध्यक्ष लगायत अन्य पदाधीकारीहरुले वितरण गरेको हो । 