मिलन परियार
लिम्चुङ्बुङ, भाद्र ५
लिम्चुङ्बुङका–५ जाँतेका एक सय १३ जना गर्भवती तथा सुत्केरी महिलालाई पोषण खाद्य सामाग्री वितरण गरिएको छ ।
कोरोना भाईरस संक्रमणले गर्भवती तथा सुत्केरी आमाहरु बढी प्रभावित भएकाले वल्र्डभिजन ईन्टरनेसनल नेपालको आर्थिक सहयोग र हुरेण्डेक उदयपुरको मातृ शिसु तथा पोषण परियोजना कार्यक्रम अन्र्तगत पोषण खाद्य सामाग्री वितरण गरेको हो ।
चामल २०, दाल २ , भटमास १, चना २ केजी, तेल १ लिटर, आयोडिन नुन १ केजी र चिनी १ केजिका दरले वितरण गरेको हुरेण्डेक उदयपुरले जनाएको छ ।
गर्भवती तथा सुत्केरी आमाहरुलाई पोषण खाद्य सामाग्री हस्तान्तरण गर्दै लिम्चुङबुङ गाउँपालिका–५ का वडाध्यक्ष केशरकुमार खड्काले यो कार्यक्रमले हजार दिनका आमाहरुको स्वास्थ्य क्षेत्रमा अतुलनीय सहयोग गरेको बताएका छन् ।
हजार दिनका आमाहरुको स्वास्थ्य तथा पोषणलाई मध्यनजर गर्दै खाधान्न राहत प्याकेज ल्याएको संस्थाका परियोजना संयोजक बिकल सुबेदीले बताए ।
वल्र्डभिजन र हुरेण्डेक उदयपुरले यस क्षेत्र को स्वास्थ्यका क्षेत्रमा बिगत देखी नै गर्भवती र सुत्केरी १ हजार दिनका आमाहरुलाई गरेको अतुलनीय सहयोग को स्वास्थ्य चौकी प्रमुख मो. फिरोज अलि राईनले बताए ।