पूर्णपुष्टि, फागुन २१
जिल्ला अस्पताल उदयपुरमा उपचारमा लयाईएका एक गर्भवतीको मृत्यु भएपछि पिडित पक्षले लापर्वाही गरेको भन्दै आक्रोस पोखेका छन् । उनिहरुले ३ दिन सम्म हस्पिटलले उपचारमा राख्दा पनि गर्भवतीको मृत्यु हुनु लापार्वाहीको कारण जनाए । उदयपुरगढी गाउँपालिका ६ नेपालटारकी ३२ वर्षिय गर्भवती सीता राउत कार्कीको मृत्यु उपचारको क्रममा भएको थियो । पीडित पक्षको आन्दोलनका अगुवासँग जिल्ला अस्पताल र जिल्ला प्रशासन कार्यालयको टोलीले शुक्रबार दिनभर वार्ता भयो तर त्यो बार्ता निष्कर्षमा पुग्न नसकेको भन्दै आफुहरुले राखेको तिन ओटा माग पुरा नभए सम्म लाश नउठाउने जनाएको छ ।
गर्भवतीको मृत्यु नहुनु थियो भयो त्यो दुखद हो तर उचित क्षती पुर्ति हस्पिटलले व्यवस्था गर्नु पर्ने भन्दै पिडित पक्षले ३ ओटा माग राखेको छ । उनिहरुले बिषेशगरी गर्भवती मृत्यु महिलाको दुई ओटा वच्चालाई सामान्य शिक्षा स्वास्थ्यको व्यवस्था, किरिया खर्च र दोषिलाई कार्वाहीको माग राखेको छ । उनिहरुले यो आफुहरुको सामान्य माग रहेको र यसलाई पनि पुरा गर्न नसके लाश नउठाउने जनाएको छ । हस्पिटलले नसक्ने अवस्था भए तत्काल बाहिर रेफर गर्नु पर्ने अवस्था हुन्थियो तर त्यो पनि नगरी गर्भवतीको ज्यान गएको भन्दै यो लापर्वाही नै रहेको जनाए । यस्तो संवेदनशिल अवस्थामा पनि हस्पिटलले खेलवाँडका साथ गर्भवतीको ज्यान ज्याने अवस्था बनाएको पिडित पक्षको आरोप छ ।
सेवा लिने क्रममा गर्भवतीको मृत्यु भएपछि मृतकको परिवारजन तथा आफन्तहरुले लापरवाही भएको भन्दै शुक्रबार दिनभरी अस्पतालमा आक्रोश पोखेका थिए । उनिहरुले अस्पतालको लापर्वाहीलाई नारावाजी गर्दै अस्पतालको केही संरचनामा तोडफोडसमेत गर्दा तनाव ग्रस्त सिर्जना भएका थिए ।
तोडफोड सँगै चिकित्सकसमेतलाई हातपात भएपछि सुरक्षा ब्यवस्था कडा पारिएको थियो । नेपाल प्रहरी र सशस्त्र प्रहरीको ठूलो सुरक्षाटोली अस्पतालभित्र र आसपासमा खटिएका थिए। आक्रोसित भिडबाट हुनसक्ने तोडफोड तथा स्वास्थ्यकर्मीमाथि कुटपिटप्रति सतर्कता अपनाउदै प्रशासनले सुरक्षाकर्मी तैनाथ पारेको थिए ।
तेस्रो सन्तान जन्माउन भन्दै तीनदिनअघि अस्पताल भर्ना गरेको मृतकको श्रीमान् अर्जुन कार्कीले बताउनुभयो । गर्भवतीलाई सामान्यढङ्गले सुत्केरी गराउने भन्दै राखिएको थियो । तर, गएराती एक्कासी मृत्यु भएपछि अस्पतालप्रति आक्रोस पोखिएको थियो ।
पिडित पक्षले आमाको मृत्युले दुई छोरीको विचल्नी हुने भन्दै उनीहरुको भविष्यको ग्यारेण्टीको माग स्थानीय प्रशासनसंग गरेको छ । माग पुरा नभएसम्म शब जिम्मा नलिने र आन्दोलन जारी राख्ने जनाएका छन् । पिडित पक्षले मृतक गर्भवतीको शब प्रसुती गृहको शैयाबाट उठाएको छैन ।
घटनाप्रति अस्पताल प्रशासन गम्भिर भइ गर्भवतीको के कसरी मृत्य भयो भन्ने बारेमा छानविनमा रहेको अस्पताल मेडिकल सुपरिटेन्डेनट डा। मुेकश झाले बताउनुभयो । सामान्यरुपले सुत्केरी हुने नदेखिएपछि अप्रेशनको तयारी भइरहदा अचालक श्वास फेर्न गाह्रो भइ सेत्केरीको मृत्यु भएको अस्पताल स्रोतले जनाएको छ । पाठेघर फुटेर भित्रै रगत जमेर गर्भवतीको मृत्यु हुनसक्ने, बच्चा खेल्ने पानी लिग भएर रगत नलीमा बन्द भएमा पनि सुत्केरीको मृत्यु हुनसक्ने सम्भावना रहने उहाँले बताउनुभयो । अस्पताल प्रशासन र पिडित पक्षबीच आपसी वार्ताबाट समस्याको हल खोज्ने प्रयास भइरहेको जिल्ला प्रहरी प्रमुख एसपी सुवासचन्द्र बोहराले बताउनुभयो ।
