पूर्णपुष्टि, साउन १
उदयपुरमा लागुऔषध गाँजासहित एक जना पक्राउ परेको छ । त्रियुगा नगरपालिका–५ श्रीपुर निबासी ४७ वर्षीय हद्दबहादुर दमाई गाँजासहित पक्राउ परेको हो ।
विशेष सुचनाको आधारमा जिल्ला प्रहरी कार्यालय उदयपुरबाट खटेका प्रहरी टोलीले दमाईको घरबाट ७ बोट गाँजा र करिब साढे एक केजी गाँजासहित नियन्त्रणमा लिएको जिल्ला प्रहरी कार्यालय उदयपुुरले जनाएको छ ।
गाँजासहित पक्राउ परेका दमाईलाई जिप्रका उदयपुरमा ल्याई थप अनुसन्धान भईरहेको प्रहरीले जनाएको छ ।