पूर्णपुष्टि, जेष्ठ, १३
गत शनिबार पश्चिम रुकुमको चौरजहारीमा जाजरकोटको भेरी नगरपालिका–४, रानागाउँका नवराज विकको हत्या भएको भन्दै नेपाल दलित विद्यार्थी संघले काठमाडौँको माइतीघर मण्डलामा मंगलबार विरोध प्रदर्शन गरेको छ ।
अन्तर जातिय बिवाहको निहुमा स्थानीय गाउँलेहरुबाट युवाको हत्या भएको भन्दै संघले आज चर्को बिरोध गरेको हो । प्लेकार्ड बोकेका प्रदर्शनकारीहरूले दोषीलाई कडा कारबाही गर्न र राजनीतिक आडमा घटनालाई नछाड्न माग गरेका छन् ।
नेपाली समाज आज यो अवस्थामा आइपुग्दा पनि जातिय भेदभावको क्रुर सोँच बाट अझै पर जान सकेन । दलित भएकै करण नवराज विकले प्रेमको परिक्षामा मृत्युको नतिजा दिनु पर्यो । नेपाली समाजमा कोहि तेस्ता व्यक्तिह र समाजहरुले अझै पनि यस्तो हर्कतको धारणहरु राख्ने गरेको यो घटना बाट स्पटै पार्न सकिन्छ ।
एउटा गाउँनै यस्तो अपराधमा लाग्न नेपाली समाजको ठुलो समस्या हो । सोही घटनामा परेको अन्य ३ जना भने बेपत्ता छन् । प्रेम सम्बन्धमा रहेकी प्रेमिकासँग बिहे गर्न गएका बेला विकको हत्या भएको बताइएको छ ।
मंगलबार संसद बैठकमा पनि सांम्सदहरुले यो घटनाको निष्पक्ष छानविन र दोषिलाई कडा कार्वाहिको माग गरेका छन् । यता विभिन्न संघ–संस्थाहरूले गम्भीर अमानवीय घटना भएको भन्दै दोषीमाथि कारबाही गर्न सरकारलाई ध्यानाकर्षण गराएका छन् ।