पूर्णपुष्टि, पुष १८
गाईघाटमा पेस्तोल किन्न खोज्दै हिँडेका खोटाङका एक व्यक्तिलाई जिल्ला प्रहरी कार्यालय उदयपुरले पक्राउ गरेको छ । दिक्देल रुपाकोट मझुवागढी नगरपालिका १० पाथेकाका बिर बहादुर गिरीको छोरा २१ बर्षिय सुजन गरीलाई जिल्ला प्रहरी कार्यालय उदयपुरले सोमवार गाईघाट बजारबाट पक्राउ गरेको हो । गिरीले त्रियुगा नगरपालिका ११ स्थित मिनि मार्केट इलाकामा पर्ने गिफ्ट पसलमा पेस्तोल पाईन्छ भन्दै सोधि हिँडेको प्रहरीले जनाएको छ ।
पेस्तोल सोध्दै हिँडेको भन्ने सूचनाको आधारमा उदयपुरबाट खटेको प्रहरी टोलीले उनलाई नियन्त्रणमा लिएर प्रारम्भीक सोध खोज गर्दा निजको साथ बाट बिभिन्न सामाग्री र नगद समेत बरामद गरिएको छ । गिरीलाई डिटेल्स सोधीखोजी गर्ने क्रममा आफु गाईघाटकै मेलिना होटलमा बस्दै आएको बताएको प्रहरीको भनाई छ । उनको साथबाट नगद १ लाख पचासी हजार चार सय पन्ध्र, अमेरीकी डलर, २ सय ९२, भारतीय रुपैया, भारतिय रुपयाँ २ लाख उन्साठी हजार १ सय, ८० युरो र अन्य सामानहरु चाँदिको जस्तो देखिने सिक्री २ थान , चाँदिको जस्तो ब्रासलेट १ थान, सुन जस्तो देखिने पहेलो धातुको औठी थान १, घडी १ थान, आईप्रो किप्याड मोवाईल १ थान, इन्फिनिक्स र आईटियल को ठुलो मोवाईल २ थान, पावर ब्याङ्क १ थान, बुद्धचित्त ८० ओटा, सानो रुद्राक्ष माला १ थान र सि माला ४ थान फेला परेको छ ।
