पूणर्पुष्टि, असार, २
गाईघाट/बर्खा सुरु भए सँगै गाईघाटमा बाढीको जोखिम सुरु भएको छ । रौताको सिर भएर बग्ने बरुवा खोलाले बर्षेनी आसपासका वस्तिहरु साकेला टोल, वरुवा टोल, पुरानो गाईघाट लगाएत बजार क्षेत्रमा समेत असर गर्ने गर्छ । गाईघाट बजारको उत्तर पुर्वी भएर बग्ने बरुवा खोला भिरालो भएर बग्ने भएकाले यसले बस्ती बजारमा क्षेती पुराउँने गरेको छ ।
समयमै बाँधको कार्य नहुँदा हरेक बर्खाको समय स्थानीयहरु ढुक्क निदाउन समेत सक्दैन् । गत बर्ष पनि वस्तीमा बाढी छिरेपछि ठुलो समस्या भएको थियो । बर्खा हुनु भन्दा अगबै बाँधको काम सक्नु पर्ने अवस्थामा अहिले भर्खरै बाँध निर्माणमा समाग्रीहरु जुटाउँदै गरेको अवस्था छ । ठुलो बाढी आयो भने जुटाको सबै सामाग्री समेत बाढीले बगाउने अवस्था छ ।
