सुनसरी, भाद्र १७ गते ।
सुनसरीको धरानमा मोटरसाईकलको ठक्करबाट एक जनाको मृत्यु भएको छ । धरान उप–महानगरपालिका–१८ लाङघाली चोकमा सोमवार मोटरसाईकलको ठक्करबाट श्री प्रसाद राईको मृत्यु भएको हो ।
दिउँसो करिब सवा १ बजे दक्षिणबाट उत्तर तर्फ जादै गरेको को १४ प १२०३ नम्बरको मोटरसाईलले धरान – १५ निबासी ६९ बर्षीय राईलाई ठक्कर दिदा मृत्यु भएको प्रहरीले जनाएको छ ।
मोटरसाईकलको ठक्करबाट गम्भिर घाईते भएका राईलाई तत्काल उपचारको लागि विपी कोराइला स्वास्थ्य विज्ञान प्रतिष्ठान धरान घोपा लगी थप उपचारको लागि बिराटनगरको नोबेल अस्पताल लगिएको भएपनि उपचारकै क्रममा दिउँसो सवा ३ बजे मृत्यु भएको ईलाका प्रहरी कार्यालय धरानले जनाएको छ ।
ठक्कर दिने मोटरसाईकल र चालक नियन्त्रणमा रहेको प्रहरीले जनाएको छ ।