राष्ट्रगान ‘सयौँ थुँगा फूलका हामी’ गायक थापाको कोरोनाले निधन

भपूर्णपुष्टि, असार ११

झापामा नेपाली राष्ट्रगान ‘सयौँ थुँगा फूलका हामी’ का गायक मध्येका एक गायकको कोरोनाबाट निधन भएको छ । मेचीनगर नगरपालिका–३ बडाखाल निवासी अजय थापालाई गत आइतबार कोरोना संक्रमण पुष्टि भएको थियो । उनलाई उपचारका लागि विर्तामोडको बी एन्ड सी हस्पिटल भर्ना गरिएको थियो । भेन्टिलेटरमा राखेर उपचार भइरहेकै अवस्थामा आज बिहान ६ः ०० बजे उनको निधन भएको बी एन्ड सी हस्पिटलका जनसम्पर्क अधिकृत प्रमिश गिरीले जानकारी दिनुभयो ।

उनका पत्नी राधा थापालाई समेत कोरोना संक्रमण पुष्टि भएकोमा सोही अस्पतालमा उपचार भइरहेको छ ।

विसं २०६२÷६३ को जनआन्दोलन सफल भएपछि व्याकुल माइलाको रचना र अम्बर गुरुङको सङ्गीत रहेको राष्ट्रगान २०६४ साउन १४ गतेदेखि नेपालमा लागू भएको हो । यसलाई नेपालको संविधान २०७२ मा राखिएको छ ।