हप्तामा २ दिन बिदा दिने निर्णय सच्याउन माग

पूर्णपुष्टि, वैशाख १६ गते ।
सरकारले हप्तामा दुई दिन सार्वजनिक बिदा दिने गरी गरीएको निर्णय देशको अहितमा रहेकोले सो निर्णय सच्याउनु पर्ने माग प्रशासकले गरेका छन् । सरकारको यस्तो निर्णयबाट दुरदरामा रहेका सर्वसाधारण सेवाग्राही झनै मर्कामा पर्न सक्ने टिप्पनी प्रशासकको रहेको छ ।
प्रशासनविद्ले दुई दिन बिदा गर्दा सेवा प्रवाह अत्यन्तै कमजोर भएर जाने र त्यसको असर संघीय शासन प्रणालीमा पर्न सक्ने विषलेशण गरेका छन् । सरकारले आगामी १ जेठदेखि दुई दिन बिदा दिने निर्णय गरेपछि त्यसको सर्वत्र विरोध र आलोचना भएको छ ।
सरकारको यस्तो निर्णयले सेवा प्रवाहमा गम्भीर असर पर्न सक्ने भन्दै विरोध भएको हो । पूर्व मुख्यसचिव विमल कोइरालाले बिना अध्ययन र विश्लेषण दुई दिन बिदा दिने गरी गरिएको निर्णयले परिणाम उल्टो आउन सक्ने बताए । कोइरालाले हचुवामा गरिएको यस्तो व्यवस्थाले परिणाम दिन नसक्ने र यो निर्णय प्रत्युत्पादक हुन सक्ने दाबी गरे । आजको राजधानी दैनिकमा समाचार छ ।