पूर्णपुष्टि, फागुन २९
प्रथम त्रियुगा नगर खेलकुद महोत्सव २१ औँ स्व लालसेर राई मेयर गोल्डकप फुटवल प्रतियोगिताको फाईनलमा १० नं वडाले आफ्नो यात्रा सुरक्षित गरेको छ ।
शनिवार थारुहट रंगशालामा जारी फुटवल प्रतियोगितामा १० नं वडाको तर्फबाट ४ गोल गर्दे ११ नं वडालाई सेमिफाइनलबाट आउट गरेको छ । प्रथम त्रियुगा खेलकुद महोत्सवको अवसर पारी जारी स्व लालशेर राई मेयर गोल्डकपमा नगरभरिका बिभिन्न १४ ओटा वडाले सहभागी जनाएका थिए ।
सेमिफाइनल सम्म आईपुगेका ११ नं वडाले खेल अबधिभर सुनिल खड्काले १ गोल मात्रै गर्न सफल भए ।
उता १० नं वडाको तर्फबाट समि राउत २ गोल, दिपक मगरले १ गोल र अनिस सेवाले १ गोल गरी जम्मा ४ गोल हान्न सफल भए ।
खेलमा दिपक मगर म्यान अफ द म्याच घोषित भए । उनले रु १ हजार नगद सहिद ट्रफि पाए । 
