पूर्णपुष्टि, कार्तिक १४
त्रियुगा नगरपालिका वडा नं. १६ मा भएको वडा स्तरीय खेलकुद भलिवल प्रतियोगितामा सुनौलो टोल विकास संस्था प्रथम भएका छन् । वडाले हरेक बर्ष युवाहरुलाई लक्षित गरी खेलकुदको आयोजना गर्दै आईरहेको थियो । यो बर्ष पनि २०७९÷०८० को स्वीकृत वडागत बजेटबाट युवा लक्षित कार्यक्रम अन्तरर्गत तिहार तथा छठ पर्वको अवसरमा खुलकुद कार्यक्रमको आयोजना गरेका थिए ।
वडाको आर्थिक सहयोग तथा वडास्तरिय युवा तथा खेलकुद विकास समितिको आयोजनामा भएको २ दिवशिय टोल विकास स्तरीय भलिवल प्रतियोगितामा करिब १० ओटा टिमहरु सहभागी रहेको वडा खेलकुद विकास समितिका अध्यक्ष पेशल राईले जनाउनुभयो ।
खेलकुद कार्यक्रमका प्रमुख अतिथि तथा वडा अध्यक्ष मान बहादुर राईका अनुसार वडाले प्रत्येक बर्ष युवा लक्षित कार्यक्रम अन्तर्गत युवाहरु विच खेलकुद प्रतियोगिता सचालन गर्दै आएको जनाउनुभयो । यो सँगै वडाले स्थानीय खेलाडी उत्पादनमा दिनुका साथै आगामि दिनमा खेलकुद विकासका लागि सहयोग बढाउन थप लगानी गर्ने प्रतिबद्धता समेत व्यक्त गर्नुभयो । उहाँले आयोजक प्रति धन्यवाद र खेलाडीहरुलाई बधाई ज्ञापन गर्दै आफ्नो भनाई अन्त्य गर्नुभएको थियो । खेलकुद कार्यक्रममा बिजयी टिमहरुलाई नगद र प्रमाण पत्र र मेडल वितरण गरिएको थियो ।
भलिवल खेलकुद एम्पायरमा सन्तोष रोका र राज कुमार रोका रहेका थिए । भने कार्यक्रम संञ्चालक समितिका सचिव भुवन राईले गर्नुभएका थिए । उक्त अवसरमा विजयी टोल विकास सस्था , सहयोगि स्वयंसेवकहरुलाई प्रशङ्शा पत्र समेत प्रदान गरिएको थियो ।
