पूर्णपुष्टि, भदौ ३१
एमाले संसदीय दलका उपनेता सुवास चन्द्र नेम्वाङले माधव नेपालको पार्टीलाई बिभिन्न हिसावले टिप्पणी गर्दै जग दरिलो नभएको पार्टीको संज्ञा दिएको छ ।
पूर्वसभामुख समते रहेका नेता नेम्वाङले बुधबार उदयपुरको अगुवा कार्यकर्ता भेलालाई सम्बोधन गर्दै माधव नेपालको पार्टी जोखिम रहेको बताए ।
नेम्वाङले शरिरको कुनै पनि वनावट नमिलेको र त्यो भन्दा पनि जोखिम शरिर थाम्ने खुट्टा नै सानो कम्जोर रहेको बताए ।
शरिरको वनावटबाट माधव नेपालको पार्टीको उदाहरण दिँदै उनले टाउको, सानो भएको शरिर सानो र बिचमा पेट मात्र अलिक फुलीएको र तल खुट्टा पनि कम्जो रहेको ब्याख्या गरे । उनले पार्टीको पेट फुल्नु भन्नुमा चै प्रदेशमा केहि संसदहरुले माधव नेपाललाई साथ दिएकाले पेट चै अलिक फुलेको संज्ञा दिए । तर पेटलाई थाम्न नसक्ने खुट्टाले कसरी शरिर बचाउने उनले प्रश्न गरे ।
नेम्वाङले नेपालकै उत्कृष्ट र विश्वासीलो पार्टीको रुपमा रहेको नेकपा एमाले देशको ठुलो पार्टीको रुपमा समेत रहेको ब्याख्या गरे । उनले सरकारले एमाले फुटाउन गरेको संड्यन्त्रमा लागेर बाटो विराएर गएका नेता तथा कार्यकर्ताहरुलाई पार्टीमा फर्किन समेत आह्वान गरे ।
उनले अब केहि समय पश्चात एमाले पुन सरकारमै गएर जनताको काम गर्ने बताउँदै अन्जानमा पार्टी छाडेकाहरुलाई पुन पार्टीमा आउन आह्वान गरे ।
प्रदेश १ का पूर्व मन्त्री तथा पार्टीका केन्द्रिय सदस्य हिक्मत कार्कीले माधव नेपालले पद नपाएका कारण पार्टी फुटाएको बताए । आफु पदमा हुँदा मात्रै एमाले नहुँदा पार्टी फुटाउँदै हिड्ने माधव नेपालको अलिकति पनि बिबेक उनले नरहेको बताए ।
उदयपुरमा सबै नेता कार्यकर्ताहरु एमालेमा रहेको दावी गर्दै केहि बिबेक गुमाएका व्यक्तित्वहरुले मात्रै माधव नेपालको पार्टीलाई साथ दिएको बताए । उनले जगन्नाथ खतिवडा र वलदेव चौधरीलाई कोट गर्दै उनिहरु पार्टी भित्रको धोकेवाज नेताहरु रहेको बताए ।