पूर्णपुष्टि, भदौ ३०
८ दिन देखि बेपत्ता पाँचथरकी एक वालिकाको शव फेला परेको छ । बालिकालाई नुहाउने क्रममा खोलाले बगाउँदा बेपत्ता रहेको अवस्थामा ८ दिन पछि फेला पारेको प्रहरीले जनाएको छ ।
जिल्ला प्रहरी कार्यालयका पाँचथरका अनुसार यही भदौ २१ गते फिदिम नगरपालिका–४ हेंवाखोलामा नुहाउने क्रममा खोलाले बगाई बेपत्ता भएकी हिलिहाङ गाउँपालिका–७ सल्लेरीका गजेन्द्र योङ्याकी चार वर्षीया छोरी आँचलको शव मङ्गलबार फेला परेको हो ।
बालिका वेपत्ता भएको स्थानबाट करिब १०० मिटर तल पुलको मुनि चेपमा बालिकको शव रहेको स्थानीयवासीले खबर गरेपछि प्रहरी टोली पुगेको थियो ।
शव फेला परेपछि कानुनी प्रक्रिया पूरा गरी शव परीक्षणका लागि जिल्ला अस्पताल पठाइएको जिल्ला प्रहरी कार्यालयका सूचना अधिकारी प्रहरी निरीक्षक डम्बर विश्वकर्माले जानकारी दिए ।