एमाले उदयपुर, क्षेत्र नं. १ मा ८ जना महाधिवेशन प्रतिनिधि निर्बाचित

पूर्णपुष्टि, कार्तिक २८ ।
बेलाबेला पालिकामा विवादित भइरहने बेलका नगरपालिकाका मेयर दुर्गाकुमार थापा (स्वस्ती) नेकपा एमाले, उदयपुरको क्षेत्र नं. १ बाट सबैभन्दा बढि मत प्राप्त गरी पार्टीको १० औं महाधिवेशनको लागि प्रतिनिधिमा निर्वाचित भएका छन् ।

आठ जना निर्वाचित मध्ये उनको सबैभन्दा बढि मत १ हजार ८६ आएको हो । दोस्रो मत प्रमेश घिमिरेको रहेको छ । उनले ९२२ मत प्राप्त गरेका छन् । पार्टीका उदयपुर अध्यक्ष इश्वरमणी राउतको तेस्रो मत ७८६ आएको छ । प्रदेश सांसद विमल कार्कीको ७८५, कुशलबाबु बस्नेतको ६५१ र कालु लामाको ६२४ मत आएको छ । लामाले निर्वाचित मध्ये कान्छो मत प्राप्त गरेका हन् ।

समावेशीतर्फ श्रृजना दुनवारको ८०० र महेश्वरी राईको ७२१ मत प्राप्त भएको छ । प्रतिनिधिका लागि खुल्लातर्फ २४ र समावेशी (महिला) तर्फ १० जनाले चुनावमा भाग लिएका थिए । सहमतिय प्रयास विफल भएपछि निर्वाचनबाट नै प्रतिनिधि चयन गर्नु परेको थियो । रातभर मतगणना पश्चात आज विहान मतपरिणाम सार्वजनिक भएको एमाले अध्यक्ष राउतले जानकारी दिए ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0
%d bloggers like this: