कोरोना रोकथाम तथा नियन्त्रणका लागि लिम्चुङबुङको यस्तो निर्णय

पूर्णपुष्टि, बैशाख २३

लिम्चुङबुङ गाउँपालिका उदयपुरले कोरोनाको नयाँ भेरियन्ट प्रकोपलाई रोकथाम तथा नियन्त्रण गर्न बिभिन्न बिषयमा पालिका अध्यक्ष स्तिरीय छलफल बसेको छ ।

बुधबार बसेको छलफलमा कोरोना रोकथाम सम्बन्धि बिभिन्न शिर्षकमा महत्वपूर्ण निर्णय गरिएको छ । कोरोना रहित पालिकाका लागि अग्रिम आवश्यक भौतिक बस्तुहरुको निर्माण, भौतिक स्रोत साधनहरुको व्यवस्था र सचेतनाका लागि बिभिन्न मापदण्ड सहितका कार्यहरुका लागि  पालिकाले ८ बुदामा निर्णय तय गरेको छ ।

निर्णयमा पालिकामा सुरक्षित व्यक्तिहरुको प्रवेशका लागि पालिका प्रवेशको ३ नाकामा हेल्प डेस्कको व्यवस्था गरेको छ । माझखर्क, बतासे घाट र चनौटे गरी ३ स्थानमा हेल्प डेस्कको व्यवस्था गरिएको हो ।

यसै गरी पालिकाले आईसोलेसनको विषयमा गाउँपालिकाको केन्द्रमा पर्ने श्री महेन्द्र मावि सिरवानी बाराहका विद्यालयमा १० बेडको आईसोलेसन बनाउने, र उक्त आईसोलेसनमा २४ घण्टा एम्वुलेन्सको सेवा प्रदान गर्ने कुरामा पनि निर्णय गरेको छ ।

यसैगरी ५ ओटै स्वास्थ्य चौकीमा कोरोना टेस्ट र एन्टिजेन किटको व्यवस्था, पालिका प्रवेश गर्ने व्यक्तिहरुलाई सम्बन्धित वडाको टोल विकास समितिको सिफारिसमा स्वास्थ्य मापदण्ड अनुरुप होम आइसोलेसनमा बस्ने प्रतिबद्धता सहित पालिकाले प्रबेशका लागि सिफारिस गर्ने निर्णय गरेको छ ।

आइसोलेसनमा आवश्यक सामाग्रीहरुको व्यवस्था अन्तर्गत अक्सिजन कन्सर्नटेटर १ थान, अक्सिजन सिलिण्डर ५ थान, पल्स अक्सिमिटर १० थान, थर्मल गन २ थान, नबुलाईजर २ थान सहित अन्य औषधीको व्यवस्था गर्ने सहितको निर्णय तयार पारिएको पालिका अध्यक्ष मेजर कुमार राईले जनाउनुभयो ।

 

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0
%d bloggers like this: