पूर्णपुष्टि, १० बैशाख ।
मेहनत श्रृजना उत्पादन र वस्तु मेरै नेपालको, उद्योग गरौँ, उद्यमी बनौ, स्वदेशी वस्तुको प्रयोग गरौँ, भन्ने मुल नारासहित सुरु हुन लागेको तेस्रो बृहत औद्योगिक प्रदर्शनी तथा रैथाने खाना महोत्सव २०८१ भव्य यहि बैशाख १२ गते देखी सुरु हुँदै छ ।
स्थानीय उत्पादनको प्रवद्र्धन र समृद्धिको लागि उद्यमशिलता भन्ने उदेश्य सहित लघु घरेलु तथा साना उद्योगबाट उत्पादित वस्तु, कृषि, वन, जढीबुटी, पर्यटन, हस्तकला, बिज्ञान तथा प्रविधि, सूचना संञ्चार, साहित्य, कला, संस्कृति र रैथाने खानाको परिकार प्रदर्शनी महोत्सवको मुख्य आकार्षण रहेको छ ।
महोत्सवको लागि आयोजक नेपाल घरेलु तथा साना उद्योग महासंघ उदयपुर, जिल्ला महिला उद्यमी संघ उदयपुर र सह आयोजक उद्योग, कृषि तथा सहकारी मन्त्रालय कोशी प्रदेश बिराटनगरले भव्य तयारी गरिरहेको छ । संघका जिल्ला अध्यक्ष मधुकर थापाका अनुसार प्रचार प्रसार र अन्य भौतिक तयारीले महोत्सवलाई अन्तिम चरण तर्फ पुराएको जनाए । गाईघाट स्थित हिरा टेन्ड हाउसमा संञ्चालन हुने महोत्सवलाई शिक्षा ,बिज्ञान तथा प्रबिधी मन्त्रालय काठमाडौ , पर्यटन वन तथा वातावरण मन्त्रालय कोशी प्रदेश बिराटनगर
नेपाल पर्यटन बोर्ड काठमाडौ, त्रियुगा नगरपालिका गाइघाट उदयपुर, घरेलु तथा साना उद्योग कार्यालय उदयपुर, कृषि ज्ञान केन्द्र उदयपुर, भेटेरीनरी अस्पताल तथा पशु सेवा बिज्ञ केन्द्र उदयपुरले सहकार्य गरेको छ । स्वदेशी वस्तुको प्रयोग गरौँ, नेपाली भएकोमा गर्भ गरौँ । भन्ने नाराको कार्यन्वयनलाई महोत्सवले टेवा पुराउने अध्यक्ष थापाको भनाई छ । महोत्सवको तयारी सँगै संञ्चालन गर्ने बारेमा आयोजक समितिले भोली मंगलबार पत्रकार सम्मेलन गरी जानकारी गराउने जनाएको छ ।