बाल सञ्जाललाई स्थानीय साशन तालिम

उदयपुर, मंसिर ९ गते ।
         त्रियुगा नगरपालिकाले नगर स्तरीय वाल सञ्जालका पदाधिकारीहरुलाई वालमैत्री स्थानीय साशन सम्बन्धि तालिम दिएको छ । वालमैत्री नगर घोषणा गर्ने उद्देश्यले नगरले सञ्जालका पदाधिकारीलाई दुई दिने अनुशिक्षण तालिम दिएको हो ।
नगरको १६ वटै वडाबाट कार्यक्रमा बालबालिका सहभागिता रहेको कार्यक्रम संयोजक तथा नगरपालिकाका सहायक महिला विकास निरीक्षक निरु कार्कीले बताईन् । कार्यक्रममा वालमैत्री स्थानीय साशन प्रर्वद्धन र यसका सूचकहरु, अर्थपूर्ण वालसहभागिता, बाल अधिकार र कर्तव्य, वाल समुह संजाल, परिचालन र पक्रिया, वालअधिकारको ऐतिहासिक, बालअधिकार सुनिश्चित गर्ने नीतिगत व्यवस्थाका बिषयमा जानकारी दिइएको उनले बताईन् ।
कार्यक्रमको सहजिकरण लैङ्कि डेक्सका प्रमुख भिमा राई, मविनि निरु कार्की, पुर्व केन्द्रिय बाल संजालका अध्यक्ष सुरेश गुप्ता, नगर स्तरीय बाल संजालका निवर्तमान अध्यक्ष सुरज खत्रीले गरेका थिए ।
परिवर्तनलाई संस्थागत गर्न बालमैत्री शासन अपरिहार्य रहेको नेपाल पत्रकार महासंघ उदयपुरका अध्यक्ष भरत खड्काले बताए । राष्ट्रनिर्माणको भविश्य बोकेका बालबालिकालाई कितावी ज्ञानसँगै वाहिरी वातावरणबाट नेतृत्व विकास गर्न राज्यको लगानी आवश्यक रहेको उनले औल्याए ।  हरेक क्षेत्रमा बालसहभागिता अपरिहार्य रहेकाले जिम्मेवारी दिएर गहन भुमिका निर्बाह गर्नु पर्ने अध्यक्ष खड्काले सुझाब दिए ।
कार्यक्रममा नगरपालिकाका सामाजिक बिकास शाखा प्रमुख विश्वजित राईले नगर क्षेत्रलाई वालमैत्री घोषणा गर्न वडाबाट अभियान सुरु गरिएको बताए । हरेक क्षेत्रमा समान प्रतिनिधित्व गराउँदै बालबालिकाको क्षमता अभिवृद्धीमा नगरपालिकाले भुमिका निर्वाह गरेको राईले बताए ।

नगर स्तरीय बाल संजालको अध्यक्षमा सृष्टि
        त्रियगा नगरस्तरीय बाल संजालको अध्यक्षमा सृष्टि काफ्ले सर्वसहमत चयन भएकी छिन् । आईतबार सम्पन्न दोस्रो अधिवेशनले १६ सदस्य संजाल पुर्नगठन गरेको हो ।
समितिको उपाध्यक्ष, सचिब, सहसचिब र कोषाध्यक्षमा क्रमश सफल गुरगाई, प्रकृति खड्का, अभिकर्ण चौधरी र अन्जला कार्की रहेका छन् ।
      सदस्यहरुमा मिना विक, अनिल गुरागाई, पुष्पराज भुजेल, रश्मी राउत, रमिला बिक, नविन बुढाथोकी, सुधा राउत, महेश थापा, सुनिल बिक, कल्पना कार्की र तुलसा पाण्डे रहेका छन् । कार्यक्रममा निवर्तमान अध्यक्ष सुरज खत्रीलाई प्रशंसापत्रले सम्मान गर्दै विदाई गरिएको थियो ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0
%d bloggers like this: