पूर्णपुष्टि,असार २० । आगामी असोजमा सुरुहुँन गैरहेको यु-१९ पुरुष साफ च्याम्पियनसिप फुटबल प्रतियोगिताका लागि उदयपुरबाट २४ जना खेलाडी छनोट भएका छन् । अखिल नेपाल फुटबल संघले ७८ वटै जिल्लाहरुलाई खेलाडी छनोट गर्न भनेअनुसार उदयपुरबाट बिभिन्न २४ जना युवा खेलाडीहरुका छनोट गरिएको हो ।
गाईघाटको थरुहट रंगाशालामा शुक्रबार छानिएका ११५ जना खेलाडीहरु मध्ये २४ जना छनोट गरिएको यु १९ पुरुष फुटबल खेलाडि छनोट समितिका संयोजक दिपक थापाले जनाए । उनका अनुसार उदयपुरबाट छनोट भएका सम्पूर्ण खेलाडीहरुले धरानमा हुने कोशी प्रदेशस्तरीय छनोटमा सहभागिता जनाउने छ । कोशी प्रदेशका अन्य जिल्लाबाट छनोट भएर आएका खेलाडीमध्येबाट छानिएर एन्फामा पठाइने छ ।
देशभरिबाट छानिएर आएका खेलाडीबाट यु-१९ को राष्ट्रिय टोली घोषण गरिने जनाएको छ । उदयपुरमा छनौट भएकामध्ये सबैभन्दा बढी त्रियुगा नगरपालिकाबाट १० जना रहेकाछन् ।
