यौणशोषणको आरोप लागेका उदयपुरका कानुन व्यवसायी केसी एक लाख धरौटीमा छुटे

पूर्णपुष्टि, कार्तिक १२
महिला बन्धक बनाई यौणशोषण गरेको आरोपमा पक्राउ परेका उदयपुरका कानुन व्यवसायी (वकिल) किरण केसी १ लाख धरौटीमा रिहा भएको छ । करिब २५ दिन हिरासत बसेका केसीलाई अदालतलते १ लाख धरौटीमा छाड्न आदेश दिएको छ । उनलाई १० बर्ष देखि एक विवाहित महिलालाई यौणशोषण गरेको आरोपमा प्रहरीले असोज १८ गते पक्राउ गरेको थियो । महिलाले आफुलाई

बिबाह गर्ने देखि अन्य बिभिन्न प्रलोभनमा पारी यौणशोषण गर्दै आएको प्रहरीमा उजुरी दिएपछि वकिल केसीलाई प्रहरीले अनुसन्धानका लागि पक्राउ गरेको थियो । बिहीबार भएको थुनछेक बहसमा आरोपित सुमन भनिने किरण केसीलाई जिल्ला अदालत उदयपुरले १ लाख रकम धरौटी रकम तिरेर रिहा गर्न आदेश दिएको हो ।महिलाको उजुरीको आधारमा पक्राउ परी अदालत पेश गरिएका वकिल केसीउपरको पूर्ण फैसला बढीमा ६ महिनाभित्र हुने जिल्ला अदालत उदयपुरका श्रेष्तेदार धनबहादुर कार्कीले जानकारी दिए । प्रहरीले अनुसन्धान गरी पठाएको मिसिल अध्ययन गर्दा पूर्पक्षमा पठाउनुपर्ने नदेखिएकाले तत्कालका लागि जमानतमा छाडीएको कार्कीले बताए ।

उदयपुरको बेलका नगरपालिका रामपुर ठोक्सिला स्थायी ठेगाना भएका कानुन व्यवसायी केसीलाई उनी आफै कार्यरत जिल्ला अदालतबाट आफूमाथि लागेको आरोपबारे थुनछेक बहस चलेको थियो ।
जिल्ला प्रहरी कार्यालय उदयपुरका प्रवक्ता डीएसपी बेदप्रसाद गौतमका अनुसार केसी असोज १८ गते पक्राउ परेका थिए । अनुसन्धान पूरा भएपछि प्रहरीले मिसिल जिल्लास्थित सरकारी वकिल कार्यालय हुँदै अघिल्लो दिन (कात्तिक १० बुधबार) अदालत पठाएको थियो ।

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0
%d bloggers like this: