हामी

गोठकृष्ण ठकुरी

हामी त

वर्षाभरी ओछ्यानमा पानी परेका मान्छे

हिउँदभरी जाडोमा कुना सरेका मान्छे

गर्मिभरी आगनमा हावा भरेका मान्छे

हामीसँग मात्र दुइ थोक छ ।

एउटा भोट छ

अर्को नागरिकता छ

जस्लाई

आफु भिजेर जोगाएका छाँै

आफु चिसिएर तताएका छाँै

कहिले काहीँ मान्छे खोज्दै आउने

मान्छेहरुलाई देखाउनको लागि

हामी त

मलाई म नचाहिने मान्छे

ऊ लाई ऊ नचाहिने मान्छे

तर

मलाई ऊ चाहिने मान्छे

उलाई म चाहिने मान्छे

हामीसँग अरु पनि छ

जस्तो कि

हजुरले थमाइदिनु भएको तमासुक

हजुरको आदेशमा गोली थापी दिने छाती

हजुरको भाषणमा ताली बजाइदिने हात

हजुरको झुट पत्याइदिने हिम्मत

हामीलाई थाह छ हजुर

हामीले भोट हालेर परिवर्तन हुँदैन

हजुरको सबै कुरा झुट हो

यसो कहिले कहीँ

चुनाब कै नाममा भए पनि

मुख फेर्न पाईन्छ भनेर

पत्याइदिएका हाँै ।

हामी आफैले उकास्न नसकेको जीवनस्तर

हजुरले कहाँबाट सक्नु

त्रियुगा न.पा.–३ उदयपुर