पूर्णपुष्टि, जेष्ठ १२
माओवादी बाट बिजयी हाँसिल गरेका १४ नं वडाका हेम मगर पहिलो निर्वाचनमा वडा सदस्य बिजयी बनेका थिए । उनले वडासदस्यको रुपमा ५ बर्ष कार्यकाल सम्हाले । वडासदस्यको पहिलो कार्याकाल सकिए सँगै मगरले दोस्रो कार्याकालमा वडाअध्यक्षको उम्मेदवारी दिए । नेकपा माओवादी र नेकपा एसको संयुक्त गठबन्धन बाट उनले टिकट पाए । ३७ बर्षिय युवा पुस्ताका मगरले एमालेका ४६ बर्षिय मेघ जित राईलाई पराजित गरी अध्यक्षमा बिजयी हाँसिल गरे भने कांग्रेस प्रतिस्पर्धामै आउन सकेन ।
मगर सहित सो वडाबाट संयुक्त गठबन्धनको प्यानलै बिजयी बन्न सफल भएको माओवादीको पकट रहेको सो वडामा पहिले पनि माओवादीकै कुरुङ राईले जितेका थिए । सो वडामा खुल्ला सदस्य तर्फ माओवादीका नारायण वहादुर राईले ६०६ मत र एक बहादुर कटुवाल ५७९ मत प्राप्त गरी बिजयी हाँसिल गरेको छ । यता खुल्ला महिला वडा सदस्य तर्फ पनि माओवादीकी रेखा थापा मगरले ६१३ मत ल्याई बिजी गरिन् । दलित महिला सदस्य तर्फ ५९३ मत ल्याउँदै माओवादीकै केशरी माया नेपाली जित निकालिन ।