पूर्णपुष्टि, बैशाख १६
नेपालमा कोरोना उपचारमा थप चुनौति थपिँदै गएको छ । संक्रमितहरुको उच्च बृद्धि भईरहँदा उपचारमा सहज उपचारको लागि थप समस्या देखिन थालेको हो ।
बिरामी बढ्दै गएपछि प्रविधि, जनशक्ति, भौतिक सामाग्रि जस्ता बिभिन्न समस्याले बिरामीहरुले सहज उपचार पाउन सकिरहेको छैन् ।
बेड अभावका कारण बुटवलमा एक संक्रमितले हस्पिटलमा उपचार पाएनन् । सामान्य अवस्थामा रहेको विरामी थप समस्या आएपछि उनलाई आईसियु लैजान भनेका थिए ।
गत शुक्रबारदेखि कोरोना संक्रमण पुष्टि भए पनि अस्पतालमा बेड खाली नभएपछि गम्भीर लामिछाने संक्रमित आफ्नो दिदिलाई तीन दिन घरमै लगेर राखे । सुरूका एक दुई दिन खासै समस्या नदेखिए पनि चौथो दिनदेखि उनको स्वास्थ्य गम्भीर बन्दै गयो । स्वास फेर्न गाह्रो भएपछि गम्भीरले गत मंगलबार लुम्बिनी प्रादेशिक अस्पताल ल्याइपु¥याएका थिए ।
शुक्रबार ९० रहेको उनको अक्सिजन लेबल मंगलबार अस्पताल ल्याइपु¥याउँदा घटेर ७६ पुगेको थियो ।
सोर्स’ लगाएर भए पनि बल्लतल्ल ज्वरो क्लिनिकमा एउटा बेड पाएर भर्ना गरिएकी उनलाई अहिले अक्सिजन दिएर राखिएको छ ।
कोरोना पोजेटिभ गर्भवतीको अपरेसन थिएटर तर अक्सिजन लेबल घटेकोले उनलाई कोरोना अस्पताल वा अरू अस्पताल भए पनि आइसियूमा लगेर भर्ना गर्न चिकित्सकले रिफर गरिसकेका छन् ।
तर कुनै पनि अस्पतालमा आइसियू खाली नभएपछि ज्वरो क्लिनिकमै राख्न बाध्य भएको गम्भीरले गुनासो गरे । उनलाई अहिले ज्वरो क्लिनिकमा अक्सिजन दिएर राखिएको छ । अस्पतालमा आउने सबैलाई अक्सिजनको सहारा चाहिने गरेको छ ।