पूर्णपुष्टि, बैशाख १७
अत्यादिक भिँड हुने सरकारी सेवाको रुपमा रहेको मालपोत कार्यलयलाई व्यवस्थीतका साथ संञ्चालन गर्न जिल्ला प्रशासन कार्यालय उदयपुरले बार व्यवस्थापन गरेको छ ।
एक हप्तामा कुन पालिकाले कति दिन सेवा दिने र कुन कुन बार सेवा दिने भन्ने बारे जिल्ला प्रशासन कार्यलय उदयपुरले बार छुट्टाएर सेवा प्रवाह गर्न अनुरोध गरेको छ ।
त्रियुगा नगरपालिका, चौदण्डीगढी नगरपालिका र बेलका नगरपालिकालाई हप्ताको २÷२ दिन छुट्याइएको छ । त्रियुगा नगरपालिकामा बिहिबार र शुक्रबार, चौदण्डीगढीमा मंगलबार र बुधबार र बेलका नगरपालिकामा आईतबार र सोमबार मालपोत संञ्चालन हुने भएको छ ।
यता गाउँपालिकाहरुमा भने दैनिक संञ्चालन हुने भएको छ । रौताई गाउँपालिका, लिम्चुङबुङ गाउँपालिका, ताप्ली गाउँपाकिा र उदयपुरगढी गाउँपालिकामा भने दैनिकी सेवा संञ्चालन हुने सूचनामा उल्लेख गरिएको छ ।