पूर्णपुष्टि, बैशाख १८
उदयपुरमा कारको ठक्कर बाट एक जनाको मृत्यु भएको छ । नम्वर नखुलेको रातो रङको कारले शुक्रबार त्रियुगा नगरपालिका ९ गैरुन बस्ने २५ बर्षिय हरि माझीलाई राती ठक्कर दिएर फरार रहेको थियो ।
त्रियुगा नगरपालिका ९ मदन भण्डारी राजमार्ग स्थित गैरुनमा गाईघाट बाट चुहाडे गैरहेको कारले माझीलाई ठक्कर दिएको थियो ।
कारको ठक्कर बाट घाईते माझिको उपचारको क्रममा करिब साडे १० बजेको समयमा मृत्यु भएको जिल्ला प्रहरी कार्यालय उदयपुरले जनाएको छ ।
तिब्र गतिको कारण माझिलाई ठक्कर दिएको प्रहरीको भनाई छ । फरार रहेको सवारी र चालकलाई प्रहरीले खोजी कार्य गरिरहेको छ । 