पूर्णपुष्टि, फागुन २३
उदयपुरमा गर्भवती महिलाकोे मृत्युृको कारण तनाव सिर्जना भएको जिल्ला हस्पिटल उदयपुर पुन संञ्चालनमा आएको छ । चार दिन देखी बन्द सो अस्पताल संञ्चालनमा आएको जनाईएको छ । हस्पिटलले विज्ञाप्ती जारी गर्दै स्वास्थ्यकर्मी माथी हातपात भएको भन्दै बन्द गरिएको अस्पताल संञ्चालनमा आएको उल्लेख गरेको छ ।
बिज्ञाप्तीमा दोषिलाई कार्वाहीको माग समेत गरिएको छ । दोषिलाई कार्वाही नभए सम्म अन्य हिसाव बाट आफुहरुको आन्दोलन जारी राख्ने भन्दै जनताको सेवा र विरामीको उपचारनै आफ्नो मुल कर्म रहेकाले अस्पताल सेवा सुचारु गरेको डा. मुकेश कुमार झा हस्ताक्षर विज्ञाप्तीमा उल्लेख छ ।
गत शुक्रबार राती उदयपुरगढी गाउँपालिका ७ नेपालटारकी ३२ बर्षिया गर्भवति सिता कार्कीको उपचारको क्रममा मृत्यु भएपछि आक्रोशित समुहले स्वास्थ्यकर्मी माथि हातपात र अस्पतालमा तोडेफोड गरेका थिए । अस्पताल परिषरभित्र डिउटीमा रहेका स्वास्थकर्मीमाथि कुटपिट र अस्पतालमा भएको तोडफोडको विरोधमा उत्रिएका उनीहरुले शान्तिसुरक्षाको प्रत्याभूती नभएसम्म सेवा सुचारु गर्न नसकिने भन्दै आकस्मिक वाहेक सबै सेवा ठप्प पारेका थिए । हातपात र तोडफोडको बिषयमा अस्पताल प्रशासनले आईतबार छानविन गरी दोषिमाथि कारवाहीका लागि प्रशासनलाई अनुरोध गरेपछि स्वास्थ्यकर्मीले विरोधका कार्यक्रम जारी राख्दै काममा फर्किएका हुन् ।
विज्ञप्तिमा आक्रोशित समुहले स्वास्थ्यकर्मी माथि लगाएका लापरवाही जस्ता आरोपमा कुनै सत्यता नभएकोसमेत स्पष्ट पारिएको छ । विज्ञप्तिमा भनिएको छ, ‘गर्भवति महिला स्थानीय स्वास्थ्य संस्थामा जाँच गराएको र वच्चा पाउने मिति ७ दिन कटेपछि पनि व्यथा नलागेपछि अस्पतालमा फागुन १८ गते भर्ना भई १९ गतेबाट नर्मल डेलिभरीका लागि प्रकृया सुरु गरिएको हो ।
सामान्यरुपमा व्यथा बढ्दै जाँदा सुत्केरी गराउने क्रममा अचानक स्वासप्रस्वासमा कठिनाई भएको र मुटुको चाल बन्द भएपछि सिपिआर दिएर विरामीको वचाउने कोसिस गर्दा गर्दै ज्यान गएको विज्ञप्तिमा उल्लेख छ ।
पाठेघरको मुख पुरै खुलिसकेकाले सामान्य प्रकृयाबाट सुत्केरी गराउन खोज्दा खोज्दै एक्कासी श्वासप्रस्वासमा समस्या आएको डा. झाले बताए ।
उनले चिकित्सकको मेहनत र प्रयासलाई नजरअन्दाज नै नगरी विभिन्नि सामाजिक संजाल, संघसंस्था र मिडियामा समाचार आउनु दुःखद भएको बताए । घटनाको बिषयलाई ध्यानमा राखि वार्ता चलिरहँदा उत्तेजित समुहले तोडफोड र स्वास्थ्यकर्मीमाथि हातपात र ज्यानमार्ने धम्कि दिएको प्रति गम्भिर ध्यानाकर्षण भएको भन्दै दोषिउपर कारवाही गर्न अस्पताल प्रशासनले माग गरेको छ ।