पूर्णपुष्टि, असोज ५ गते ।
ताप्लेजुङ र झापाका दुई छुट्टाछुट्टै स्थानमा करेन्ट लगाएर माछा मार्ने क्रममा आफैलाई करेन्ट लागी दुई युवकको मृत्यु भएको छ ।
ताप्लेजुङमा करेन्ट लगाएर माछा मार्ने क्रममा आफैलाई करेन्ट लाग्दा एक युवकको मृत्यु भएको छ । मृत्यु हुनेमा सिदिङवा गाउँपालिका–३ का २५ बर्षीय बिक्रम ताम्लिङ रहेका छन् ।
सोमवार दिउँसो माछा मार्न भनी साम्सिङ खोलामा गएका ताम्लिङको करेन्ट लागेर मृत्यु भएको भन्ने खबर प्राप्त भएसंगै ईलाका प्रहरी कार्यालय तेल्लोकबाट प्रहरी टोली घटना स्थल पुगेको थियो । घटना सम्बन्धमा अनुसन्धान भईरहेको जिल्ला प्रहरी कार्यालय ताप्लेजुङले जनाएको छ ।
यसैगरी झापामा करेन्ट लगाएर माछा मार्ने क्रममा आफैलाई करेन्ट लाग्दा एक युवकको मृत्यु भएको छ । मृत्यु हुनेमा अर्जुनधारा नगरपालिका–१० का २७ बर्षीय ईन्द्र चेम्जोङ रहेका छन्
।
स्थानीय सेती खोलामा करेन्ट लगाएर माछा मार्ने क्रममा अचानक करेन्ट लागेर घाईते भएका चेम्जोङलाई उपचारको लागी झापाको बि.एण्ड.सि. अस्पताल लगिएकोमा उपचारको क्रममा मृत्यु भएको ईलाका प्रहरी कार्यालय अनारमनीले जनाएको छ । घटना सम्बन्धमा प्रहरीले थप अनुसन्धान गरिरहेको छ ।